مەملەكەت باسشىسى قاسىم-جومارت توقاەۆتىڭ وتان قورعاۋشى كۇنىمەن قۇتتىقتاۋى

ءبىز بۇل كۇنى قارۋلى كۇشتەرىمىزدىڭ ارداگەرلەرىنە جا­­نە ەلىمىزدىڭ ەگەمەندىگى مەن ۇلتتىق مۇددەسىن قورعاپ تۇر­­عان, انتىنا ادال اسكەري قىزمەتشىلەرگە قۇرمەت كورسە­تەمىز.

قازاقستان جەر جۇزىنە قاشاندا بەيبىتشىلىكتى جاقتايتىن جانە جاۋاپ­كەرشىلىگى جوعارى مەملەكەت رەتىندە تانىمال. سونداي-اق ەكونوميكالىق, گۋما­ني­تارلىق مۇمكىندىكتەرى عانا ەمەس, اسكەري الەۋەتى دە مىقتى ەلگە اينالدىق. 

تۇڭعىش پرەزيدەنت, ەلباسى نۇر­سۇل­تان ءابىش ۇلى نازارباەۆتىڭ وراسان ەڭبە­گىنىڭ ارقاسىندا زاماناۋي قارۋ-جاراقپەن جانە جاڭا تەحنيكامەن جاب­دىقتالعان قۋاتتى ارميا جاساق­تالدى. قارۋلى كۇشتەرىمىزدىڭ بارلىق قۇرى­لىمىندا قىزمەت ەتەتىن ساربازدار مەن سار­دارلاردىڭ جاۋىنگەرلىك رۋحى, وتان­شىل­دىعى, اسكەري دايىندىعى جانە كاسى­بي ماشىعى ەلىمىزدىڭ قورعانىس قابىلە­تىنىڭ جوعارى بولۋىن قامتاماسىز ەتەدى.

مەملەكەت تۋعان جەرى ءۇشىن ايانباي ەڭ­بەك ەتىپ, اسكەري قىزمەتكە بۇكىل عۇمىرىن ارناعان وتانسۇيگىش پەرزەنتتەرىن جان-جاقتى قولداۋعا اي­رىقشا ءمان بەرەدى. ءبىزدىڭ مىندەتىمىز – جاڭا گەوساياسي احۋالعا ساي ەلىمىزدىڭ قور­عانىس قابىلەتىن ودان ءارى نىعايتا ءتۇسۋ. 

ارميا – مەملەكەتتىگىمىزدىڭ مىز­عىماس تىرەگى, تاۋەلسىزدىگىمىزدىڭ كەپىلى. قازاقستان رەسپۋبليكاسىنىڭ اسكەري قىزمەتشىلەرىنە حالقىمىزدىڭ قاۋىپ­سىزدىگى مەن بەيبىت ءومىرى جولىنداعى ءمىنسىز قىزمەتى ءۇشىن ريزاشىلىعىمدى بىلدىرەمىن.