جالعان ۆاكتسيناتسيا پاسپورتىن ساتۋدىڭ العاشقى ارەكەتى قىلمىستىق جاۋاپقا تارتىلۋمەن اياقتالدى. بۇل جاعداي دەرەكقوردى قورعاۋدى كۇشەيتۋگە سەبەپ بولدى ما؟
«اقپارات تۇسكەننەن كەيىن الماتى قالاسىنىڭ اكىمدىگىمەن بايلانىسقا شىقتىم, تاڭەرتەڭ بۇل جاعداي باقىلاۋعا الىندى, كۇش قۇرىلىمدارىمەن جۇمىس ىستەپ, قاماۋعا الۋ شارالارى جۇرگىزىلدى...», - دەدى دەنساۋلىق ساقتاۋ مينيسترلىگىنىڭ باسشىسى الەكسەي تسوي ورتالىق كوممۋنيكاتسيالار قىزمەتىندە وتكەن بريفينگتە جۋرناليستەردىڭ سۇراقتارىنا بەرگەن جاۋابىندا.
ونىڭ ايتۋىنشا, مەديتسينالىق ۇيىمعا جەتكىزىلگەن دوزالار سانىنا سالىستىرۋ جۇرگىزىلەدى, ناقتى قانشا, اقپاراتتىق جۇيەدە قانشا, باق-تا, الەۋمەتتىك جەلىلەردە سۇرانىس پەن ۇسىنىس بويىنشا مونيتورينگ جۇرگىزىلەدى.
«قاتاڭ جاۋاپقا تارتىلادى, ءبىز بارلىق مەديتسينا قىزمەتكەرلەرىنە بۇل قىلمىستىق جازا ەكەندىگىن ەسكەرتتىك, كەز كەلگەن ازامات, دارىگەر بولسىن, ونىڭ جانىنداعى بىرەۋ بولسىن: بۇل جەردە زاڭ قاتال بولاتىنىن ءتۇسىنۋى كەرەك. ءبارى جازالانادى, ءبارىن انىقتايمىز, مۇنىڭ ءبارى ناقتى دالەلدەنەدى, ويتكەنى اقپاراتتىق جۇيەدە ءار دوزا كورىنەدى. ەگەر مۇنداي جاعداي ورىن السا, قىلمىستىق جازا قولدانىلادى. ءبىز جاعدايدى باقىلاپ, ەرەكشە باقىلاۋدا ۇستايمىز», دەپ اتاپ ءوتتى تسوي.