الماتى وبلىسى ەسىك قالاسىندا 40 توننالى جۇك كولىگى ورتەندى, دەپ حابارلايدى Egemen.kz
الماتى وبلىسى تجد ءباسپاسوز قىزمەتىنىڭ حابارلاۋىنشا, ەڭبەكشىقازاق اۋدانى, ەسىك قالاسىنداعى التىن ادام كوشەسىندە جۇك كولىگى ورتەنگەنى تۋرالى حابار 2021 جىلى 2 مامىردا ساعات 11.43-تە تۇسكەن.
«وقيعا ورنىنا كەلگەن كەزدە 40 توننالىق HOWA جۇك كولىگىنىڭ سالونى ورتەنگەنى انىقتالدى. ءورتتىڭ شىعۋىنا قوزعالتقىش بولىگىنىڭ تەحنيكالىق اقاۋى سەبەپ بولعان. زارداپ شەككەندەر جوق», دەپ مالىمدەدى تجد ءباسپاسوز قىزمەتىندەگىلەر.