ۇكىمەتتە قارجى سەكتورىنا جاۋاپ بەرەتىن پرەمەر-ءمينيستردىڭ ءبىرىنشى ورىنباسارى ءاليحان سمايىلوۆ زەينەتاقى جيناعىن مەرزىمىنەن بۇرىن الۋ تۋرالى سۇراققا جاۋاپ بەردى, دەپ حابارلايدى Egemen.kz
«زەينەتاقى جيناعىمدى مەرزىمىنەن بۇرىن پايدالانۋ جوسپارىمدا جوق. ءوزىم ءۇشىن جالاقىنىڭ ءبىر بولىگىن شەگەرىپ, ونى جيناۋ دۇرىس دەپ سانايمىن. وسى قاراجات زەينەتكەرلىككە شىققاننان كەيىن, قارتايعاندا كوبىرەك قاجەت بولادى», دەدى ءاليحان سمايىلوۆ رەداكتسيا ساۋالىنا بەرگەن جاۋابىندا.
2021 جىلى قازاقستاندىقتارعا زەينەتاقى جيناقتارىنىڭ ءبىر بولىگىن تۇرعىن ءۇي جاعدايىن جاقسارتۋعا, ەمدەلۋگە نەمەسە جەكە ينۆەستيتسيالىق كومپانيا باسقارۋىنا بەرۋ ءۇشىن پايدالانۋعا رۇقسات بەرىلگەن ەدى.