بيزنەس قوعامداستىقتىڭ باستاماسىمەن 2021 جىلدىڭ قاڭتارىنان باستاپ نۇر-سۇلتان, الماتى, قاراعاندى قالالارىندا «Ashyq» موبيلدىك قوسىمشاسىن ەنگىزۋ بويىنشا ىلكى جوبانى جۇزەگە اسىرۋ باستالدى. بۇل تۋرالى دەنساۋلىق ساقتاۋ ۆيتسە-ءمينيسترى – باس مەملەكەتتىك سانيتار دارىگەر ەرلان قياسوۆ مالىمدەدى, دەپ حابارلايدى Egemen.kz
«اتالعان جوبانى كەڭەيتۋ ماقساتىندا, باس مەملەكەتتىك سانيتار دارىگەردىڭ قاۋلىسىنا سايكەس اقتوبە, كوكشەتاۋ, تاراز جانە تالدىقورعان قالالارى قوسىلدى. 21 ساۋىرىنەن باستاپ باعدارلاما فيتنەس-كلۋبتاردا, سپا-سالونداردا, ساۋنالاردا, باسسەيندەردە, بوۋلينگتەردە, بيليارد زالدارىندا, كومپيۋتەرلىك كلۋبتاردا, كونتسەرت زالدارىندا, قوعامدىق تاماقتانۋ ورىندارىندا جۇمىس ىستەپ تۇر», دەدى ۆيتسە-مينيستر.
جوبا وبلىسارالىق جانە قالاارالىق تۇراقتى ەمەس تۋريستىك تاسىمالداۋعا دا ەنگىزىلىپ جاتىر.
«5 مامىردان باستاپ جوباعا «جاسىل» ايماقتاعى بانكەت زالدارى, سونىمەن قاتار كاراوكە-كلۋبتار قوسىلاتىن بولادى. 26 ساۋىردەن «Ashyq» جوباسىن رەسپۋبليكانىڭ بارلىق وڭىرىندە تاراتۋ جوسپارلانىپ وتىر. «Ashyq» جوباسىنا «Info-Kazakhstan» سايتى ارقىلى ءوتىنىم بەرگەن جانە قىزمەت تۇرىنە سايكەس QR-كود العان, اكىمدىكتەردىڭ سايتىنا ورنالاستىرىلعان, 7 كۇندىك وقۋدان وتكەن بيزنەس وكىلدەرى قاتىسا الادى», دەدى ەرلان قياسوۆ.