بالىق اۋلايمىن دەپ ايىپپۇل ارقالاپ جۇرمەڭىز

ءىس-شارانىڭ نەگىزگى ماقساتى – زاڭسىز بالىق اۋلاپ جۇرگەن قاسكويلەردىڭ جولىن كەسۋ عانا ەمەس, سونداي-اق بۇرىن جاسالعان ەكولوگيالىق قىلمىستاردى اشۋدى دا كوزدەيدى. بيىلدىڭ ءۇش ايىندا تابيعاتتى قورعاۋ پوليتسەيلەرى بالىق رەسۋرستارىن ساقتاۋ ماقساتىندا 320 رەيدتىك وتكىزسە, ونىڭ 239-دا ەكولوگيالىق قۇقىق بۇزۋشىلىق انىقتالعان.

ناتيجەسىندە 10 فاكتى بويىنشا سوتقا دەيىنگى تەرگەۋ جۇرگىزىلىپ, 229-ى اكىمشىلىك جاۋاپكەرشىلىككە تارتىلدى. جىل باسىنان بەرى زاڭسىز اۋلانعان 6 مىڭ كەلى بالىق تاركىلەنىپ, مەملەكەتكە 3 ملن تەڭگەدەن استام شىعىن كەلتىرىلگەنى انىقتالدى. ال سوڭعى ءتورت كۇن ىشىندە وبلىستا 66 قۇقىق بۇزۋشىلىق تىركەلدى. زاڭسىز بالىق اۋلاعان 64 بالىقشىعا جالپى سوماسى 1 ملن. 044 551 تەڭگە اكىمشىلىك ايىپپ ۇلى سالىندى.

ايتا كەتەرلىگى, 18 ساۋىردە «ومبى-مايقاپشاعاي» تاس جولىنىڭ 914 شاقىرىمىندا پاترۋلدىك پوليتسيا روتاسىنىڭ ينسپەكتورلارى پاترۋلدەۋ كەزىندە «Chevrolet» ماركالى اۆتوكولىگى توقتاتقان. اۆتوكولىكتى تەكسەرۋ كەزىندە ءتيىستى رۇقسات قۇجاتتارى جوق 6 قاپ شورتان بالىعى تابىلعان. جالپى شىعىن 198 000 تەڭگەنى قۇرادى. بۇل فاكتى بويىنشا سەمەي قالاسىنىڭ 54 جاستاعى تۇرعىنىنا قاتىستى قر اقبتك-ءنىڭ 339-بابى جانە 389-بابى 3-بولىگى بويىنشا اكىمشىلىك حاتتاما تولتىرىلدى. ال «نەرەست-2021» جەدەل الدىن الۋ شاراسى شىعىس قازاقستان وبلىسىنىڭ اۋماعىندا 30 مامىرعا دەيىن جالعاسادى.