ەلىمىزدە كينوتەاتر بيلەتتەرى ايتارلىقتاي قىمباتتادى

پاندەميا باستالعالى بەرى ەلىمىزدە كينوتەاترعا بارۋشىلاردىڭ لەگى ازايىپ, ءبىرشاما ونەر تۋىندىلارى جارىققا شىقپاي قالعان ەدى. دەسە دە, ءبىر كەزەڭدە ەپيدەميالىق احۋال تۇراقتالىپ, قالىڭ كورەرمەن ءتيىستى سانيتارلىق تالاپتارعا سايكەس وتىرعىزىلاتىن بولدى.

ساراپشىلار ەڭ قىمبات بيلەتتەر شىمكەنتتە (2,6 مىڭ تەڭگە), اتىراۋدا (2,5 مىڭ تەڭگە) جانە اقتوبەدە (2,1 مىڭ تەڭگە) ەكەنىن ايتتى.

ەڭ ارزان بيلەتتەردى تۇركىستان قالاسىنىڭ تۇرعىندارى ساتىپ الا الادى (800 تەڭگە). بيلەتتەردىڭ باعاسى ءبىر جىل ىشىندە تەك قوستانايدا (3,5%, 1,3 مىڭ تەڭگەگە دەيىن) جانە سەمەيدە (2,7%, 1,1 مىڭ تەڭگەگە دەيىن) تومەندەگەن.

وكىنىشكە قاراي, ونەردىڭ بۇل سالاسى ايتارلىقتاي داعدارىسقا ۇشىرادى. سەبەبى 2020 جىلدىڭ قاڭتار-جەلتوقسان ايلارىندا كينو جانە ۆيدەووندىرىس جانە دىبىس جازۋ سالاسىندا تەك 41 ملرد تەڭگەگە قىزمەتتەر كورسەتىلدى.  بۇل بىلتىرعى جىلمەن سالىستىرمالى تۇردە العاردا 37,4 پايىزعا از.

وسى ورايدا كينوگەرلەر وتاندىق پروكات ءۇشىن ىندەتتىڭ بەلەڭ الۋى قاتتى سوققى بولعانىن ايتادى. بۇگىندە ەلىمىزدە جالپى تۇسىرىلىمدەر سانى 52,1%-عا ءتۇسىپ كەتكەن.

مەملەكەتتىك ۇلتتىق كينونى قولداۋ ورتالىعىنىڭ مالىمەتتەرى بويىنشا كينوتەاترلاردىڭ ورتاشا تولۋ سىيىمدىلىعى بۇگىندە 10 پايىزعا ارەڭ جەتىپ وتىر.