ءۇش ءجۇز مىڭنان استام ادام ەكپە سالدىردى

«ەلوردادا كوروناۆيرۋسپەن اۋىراتىنداردى ەمدەۋ ءۇشىن 14 اۋرۋحانا تارتىلدى. اتالعان اۋرۋحانالاردا 1 889 ورىن بار. بۇگىنگى كۇنى 985 ناۋقاس اۋرۋحانالاردا ەم قابىلداپ جاتىر. ونىڭ ىشىندە كوروناۆيرۋس 901 ادامدا راستالعان جانە 84 ادام پنەۆمونيامەن ەم قابىلداۋدا. جانساقتاۋ بولىمىندە 95 ادام بار, ونىڭ 21 وكپەنى جاساندى تىنىستاندىرۋ اپپاراتىندا جا­تىر. سونىمەن قاتار 4 مىڭعا جۋىق ادام ۇيدە امبۋلاتورلى ەم قابىلداۋدا», دەيدى ت.مۇراتوۆ.

سونىمەن قاتار ول ەلوردادا ازاماتتاردى الدىن الا جازۋ بو­يىنشا ۆاكتسينالاۋ باستالعانىن باياندادى. ونىڭ سوزىنشە, ۇجىم­دىق يممۋنيتەتتى قالىپتاستىرۋ ءۇشىن 600 مىڭنان استام ادامعا نەمەسە قالا تۇرعىندارىنىڭ كەم دەگەندە 60%-ىنا ۆاكتسينا ەگۋ جوسپارلانعان.

«بۇگىندە ەلوردادا 22 500-دەن استام ادام كوروناۆيرۋسقا قار­سى ۆاكتسينا سالدىردى. بۇل – مەديتسينالىق قىزمەتكەرلەر, وقى­تۋشىلار, قۇقىق قورعاۋ ور­گان­دارىنىڭ, ديپلوماتيالىق قىز­­مەتتەگى قىزمەتكەرلەر جانە سو­زىل­مالى اۋرۋى بار ادامدار. ۆاك­­تسينادان كەيىن اسقىنۋلار تىركەلمەگەن. وسى اپتادا قالا تۇر­عىن­دارىنىڭ الدىن الا جازى­لۋى بويىنشا جاپپاي ۆاكتسينالاۋ باستالدى. ياعني كوروناۆيرۋس ينفەكتسياسىنا قارسى ۆاكتسينانى العىسى كەلەتىن ادامنىڭ بارلىعى ءوز ەركىمەن جازىلىپ, ەندى ەمحانالاردان شاقىرۋدى كۇتۋدە», دەدى ت.مۇراتوۆ.

ايتا كەتەتىن تاعى ءبىر جايت, دەنساۋلىق ساقتاۋ باسقارماسى استا­نا­­لىق­تاردى ۆاكتسينالاۋدىڭ الگو­ريتمىن جاساعان.

«كوروناۆيرۋسقا قارسى ەك­پە­ العىسى كەلەتىندەر ەكى جول ار­­قىلى ءوتىنىش قالدىرا الادى. ازاماتتار eGov پورتالى ارقىلى وزدەرىنە ىڭعايلى ۋاقىتتا جانە ورىندا ۆاكتسينا الۋعا ءوتىنىش قالدىرا الادى. ەكپە جاسايتىن مەكەمەلەردىڭ ءتىزىمى eGov پورتالىندا بار. دارىگەر ازاماتتى ۆاكتسينا الۋ تىزىمىنە قوسقان سوڭ, وعان جەكە نومىرىنە SMS-حابارلاما كەلەدى. ول جەردە ۋاقىتى, ۆاكتسينا جاسالاتىن جەردىڭ مەكەنجايى كورسەتىلەدى», دەپ اتاپ ءوتتى ول.

ۆاكتسينا العان ادامدار 30 مينۋت بويى دارىگەردىڭ باقىلاۋىن­دا بولادى.

«حالىقتى ۆاكتسينامەن قامتۋ ءۇشىن مەديتسينالىق ۇيىمداردا ەگۋ پۋنكتتەرىنىڭ سانى 36-دان 100-گە دەيىن كوبەيتىلدى. سونداي-اق حالىقتىڭ ەكپە الۋى قولجەتىم­دى بولۋى ءۇشىن سانيتارلىق-ەپ­ي­دەميولوگيالىق باقىلاۋ دەپار­تامەنتىمەن بىرگە ۆاكتسينالاۋ پۋنك­تتەرىن قالانىڭ ساۋدا جانە ويىن-ساۋىق ورتالىقتارىندا ور­نا­لاستىرۋدى جوسپارلاپ وتىر­­­مىز. قازىرگى تاڭدا «Mega Silk Way» سوسو-دا بارلىق سا­نيتارلىق-ەپيدەميالىق تالاپ­تى ەسكەرە وتىرىپ, حالىقتى ۆاك­تسينالاۋعا دايىندىق جۇمىس­تارى جۇرگىزىلۋدە. وندا ەكى بريگادا تۇسكە دەيىن جانە ەكى بريگادا تۇستەن كەيىن جۇمىس ىستەيدى. بريگادالار دارىگەرلەر مەن مەد­بيكەلەردەن قۇرالعان», دەپ ءتۇ­سىن­دىردى باسقارما باسشىسى.

ءساۋىر ايىندا الماتىعا شامامەن 400 مىڭ دوزا ۆاكتسينا جەت­كىزىلەدى دەپ كۇتىلۋدە. مۇن­داي دەرەكتى الماتى قالالىق قو­عامدىق دەنساۋلىق ساقتاۋ باس­قار­­ماسىنىڭ باستىعى ناريمان تابىنباەۆ كەلتىردى.

«الماتىدا ۆاكتسينالاۋ باس­تالعالى 68 650 ۆاكتسينا كەلدى. ەك­پەنى 49 160 ادام سالدىردى. قازىر قالادا 19 490 ۆاكتسينا بار. بىزگە 13 ساۋىرگە دەيىن 69 مىڭ ۆاكتسينا كەلۋ كەرەك. ايدىڭ سوڭىنا دەيىن تاعى 300 مىڭنان استام ۆاكتسينا الۋ جوسپارلانىپ وتىر. بۇل سان ءالى ناقتىلاناتىن بولادى, قازىر ارنايى شتاب قۇرىلدى. بۇل دوزالاردىڭ بارلىعى ۆاكتسينالاۋ پۋنكتتەرىنە تاراتىلادى», دەدى ن.تابىنباەۆ.

ايتا كەتەتىن جايت, وتكەن اپ­تاداعى مالىمەت بويىنشا ەلىمىزدە 313 611 ادام ۆاكتسينا سالدىردى.