اقمولا وبلىسى دەنساۋلىق ساقتاۋ باسقارماسىنىڭ بۇرىنعى باسشىسى سۇلەن ءىلياسوۆ بوتەن م ۇلىكتى يەمدەندى نەمەسە جىمقىردى دەپ كۇدىككە ءىلىندى, دەپ حابارلايدى Egemen.kz قازاقپاراتقا سىلتەمە جاساپ.
اقمولا وبلىستىق سوتىنىڭ ءباسپاسوز قىزمەتىنىڭ مالىمەتىنشە, كوكشەتاۋ قالاسىنىڭ تەرگەۋ سوتىنىڭ قاۋلىسىمەن 2021 جىلعى 1 ساۋىردە كۇدىكتى سۇلەن ىلياسوۆقا قاتىستى ەكى اي مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسى سانكتسيالاندى. بۇل قاۋلىعا شاعىم جاسالىپ, التىنشى ساۋىردە قايتا قاراۋ ءۇشىن اقمولا وبلىستىق سوتىنا كەلىپ ءتۇستى. اپەللياتسيالىق القا ونى ءۇش جۇمىس كۇنى ىشىندە قارايتىن بولادى. وسىلايشا, ازىرگە س.ىلياسوۆقا قاتىستى بۇلتارتپاۋ شاراسىن سانكتسيالاۋ تۋرالى قاۋلى زاڭدى كۇشىنە ەنگەن جوق.
«وعان قر قك 189 بابىنىڭ 4 بولىگى 2 تارماعىندا (اسا ءىرى مولشەردە سەنىپ تاپسىرىلعان بوتەن م ۇلىكتى يەمدەنۋ نەمەسە ىسىراپ ەتۋ) كوزدەلگەن قىلمىستىق قۇقىق بۇزۋشىلىق جاسادى دەپ كۇدىك كەلتىرىلگەن. بۇل اۋىر سىبايلاس جەمقورلىق قىلمىستار ساناتىنا جاتادى جانە باپتىڭ سانكتسياسى 10 جىلدان استام باس بوستاندىعىنان ايىرۋدى كوزدەيدى», دەپ ءتۇسىندىردى اقمولا وبلىستىق سوتىنىڭ اقپاراتتىق قامتاماسىز ەتۋ ءبولىمىنىڭ باسشىسى كۇلاش دومالاقوۆا.
وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتىنەن ءمالىم ەتكەندەي, سۇلەن ءىلياسوۆ اعىمداعى جىلدىڭ اقپان ايىنىڭ باسىندا ءوز ەركىمەن جۇمىستان كەتكەن.