بۇگىن اقپارات جانە قوعامدىق دامۋ ءمينيسترى ايدا بالاەۆا «جاس الاش» گازەتى رەداكتسياسىنىڭ ۇجىمىمەن كەزدەسىپ, باسىلىمنىڭ 100 جىلدىعىمەن قۇتتىقتادى, دەپ حابارلايدى Egemen.kz اتالعان مينيسترلىكتىڭ ءباسپاسوز قىزمەتىنە سىلتەمە جاساپ.
مينيستر اقپارات سالاسىنىڭ دامۋىنا قوسقان ەلەۋلى ۇلەسى ءۇشىن قايرات ماترەكوۆتى, الماس ءنۇسىپتى, سەيسەن ۇلىقبەك پەن نۇرىمجان ماۋىتوۆتى «اقپارات سالاسىنىڭ ۇزدىگى» توسبەلگىسىمەن ماراپاتتادى جانە «جاس الاش» گازەتىنىڭ باسقا دا قىزمەتكەرلەرىنە قۇرمەت گراموتاسى مەن العىس حاتتار تابىستادى.
ا. بالاەۆا گازەتتىڭ 100 جىلدىعى قازاقستان تاۋەلسىزدىگىنىڭ 30 جىلدىعىمەن تۇسپا-تۇس كەلۋى بۇل مەرەيلى داتانى اتاپ وتۋگە ەرەكشە ءمان قوساتىندىعىن جەتكىزدى.
«جاس الاش» قازاق باسپاسوزىندە وزىندىك ورنى بار, حالىق سۇرانىسىنا يە شىنشىل باسىلىمداردىڭ ءبىرى», دەدى مينيستر.
كەزدەسۋ سوڭىندا ايدا بالاەۆا باسىلىمنىڭ بارلىق قىزمەتكەرلەرىنە كاسىبي جانە شىعارماشىلىق تابىستار تىلەدى.