«قازاقالتىننىڭ» ەكى قىزمەتكەرى 122 ميلليون تەڭگەنىڭ التىنىن ۇرلادى دەگەن كۇدىككە ءىلىندى, دەپ حابارلايدى Egemen.kz اقمولا وبلىسىنىڭ پوليتسيا دەپارتامەنتىنە سىلتەمە جاساپ.
دەپارتامەنت مالىمەتىنشە, قىلمىستى اشۋعا تاجىريبەلى قىزمەتكەرلەردەن ارنايى جەدەل-تەرگەۋ توبى قۇرىلىپ, اتالعان ءىس بويىنشا 300-گە جۋىق ادامنان جاۋاپ الىنعان.
«تەرگەۋ ناتيجەسىندە جولىمبەت كەنتىنىڭ 26 جانە 34 جاستاعى ەكى تۇرعىنى كۇدىكتى دەپ تانىلدى. ەكەۋى دە «قازاقالتىننىڭ» جۇمىسشىسى. ولار قىلمىس جاساۋدى التى اي بۇرىن جوسپارلاعان بولىپ شىقتى», دەدى قۇقىق قورعاۋ ورگانى وكىلدەرى.
زاتتاي دالەل قىلمىسقا قاتىسۋشىلاردىڭ ءبىرىنىڭ تۋىسىنىڭ پاتەرىنەن تابىلدى. كۇدىكتىلەر كىناسىن مويىندادى. زاۋىتتان ۇرلانعان التىن كاتودى سول كولەمىندە تاركىلەنگەن.
ايتا كەتەيىك, التىن كاتودى 2 ناۋرىزعا قاراعان ءتۇنى جولىمبەت كەنتىندەگى «قازاقالتىن» كەنىشىنىڭ دەسوربتسيا ساقتاۋ كامەراسىنان ۇرلانعان. شىعىن 122 ميلليون تەڭگەگە باعالانىپ وتىر.