Ashyq جوباسى ەندى پاۆلودار, تاراز بەن اقتوبەدە ەنگىزىلەدى. بۇل تۋرالى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين Facebook پاراقشاسىندا جازدى, دەپ حابارلايدى Egemen.kz.
«Ashyq قوسىمشاسى ءوز ناتيجەسىن بەرىپ كەلەدى. «اتامەكەن» ۇكپ ارىپتەستەرىمىز كۇن سايىن فيتنەس-كلۋبتارعا كەلۋشىلەر اراسىندا بۇرىن-سوڭدى covid-پەن اۋىرعان ادامداردىڭ بارىن حابارلادى. ءتىپتى قازىردىڭ وزىندە وسى جوباعا قاتىسپاعان باسقا دا بيزنەس وكىلدەرى تىزىمگە ەنگىزۋدى سۇراپ وتىر. ASHYQ جوباسىن پايدالانۋ كارتاسىن كەڭەيتۋ ءۇشىن پاۆلودار, تاراز جانە اقتوبە وڭىرىنە ەنگىزبەكپىز. وسىلايشا فيتنەس-كلۋبتار, باسسەين, بوۋلينگ, سپا-ورتالىقتار مەن كومپيۋتەر كلۋبتارىنان بولەك, جوباعا قوعامدىق تاماقتانۋ مەن كينوتەاترلاردى قوسۋ جاعى ازىرلەنۋدە. مىندەت – قازىرگى قيىن جاعدايعا قاراماستان بيزنەس وكىلدەرىنە جۇمىسىن جالعاستىرۋعا مۇمكىندىك بەرۋ», دەپ جازدى ب. مۋسين.
بۇدان سوڭ, ول Ashyq جوباسىن مەملەكەتتىڭ قارجىلاندىرۋىنسىز قولداپ, باستاما كوتەرگەن ۆيتالي پۋستوۆويتەنكومەن ونىڭ ۇجىمىنا العىس ايتقان. سونداي-اق دەنساۋلىق ساقتاۋ مينيسترلىگى مەن اتامەكەن ۇكپ جۇمىسىن اتاپ وتكەن.