وتاندىق عالىمدار ازىرلەگەن QazCovid-in كوروناۆيرۋسقا قارسى ۆاكتسينا كلينيكالىق زەرتتەۋلەردىڭ سوڭعى ءۇشىنشى كەزەڭى ءوتىپ جاتىر, دەپ حابارلايدى Egemen.kz
«زەرتتەۋ جۇمىستارىنىڭ العاشقى ەكى كەزەڭى 2020 جىلدىڭ قاراشا ايىندا اياقتالدى. وعان 200-دەن استام قازاقستاندىق قاتىستى. كلينيكالىق زەرتتەۋلەردىڭ العاشقى ەكى فازاسىنىڭ ناتيجەلەرى QazCovid-in يناكتيۆتەندىرىلگەن ۆاكتسيناسىنىڭ قاۋىپسىز ەكەنىن, سونداي-اق انتيدەنەلەر قالىپتاستىرىپ, جاسۋشالىق جانە گۋمورالدىق يممۋنيتەتتى يندۋكتسيالايتىنىن كورسەتتى.كلينيكالىق زەرتتەۋلەردىڭ ءۇشىنشى كەزەڭى وتكەن جىلدىڭ جەلتوقسان ايىندا باستالعان بولاتىن. وعان 3 مىڭ ەرىكتى قاتىسىپ جاتىر. رەسمي تۇردە ۆولونتەر بولعىسى كەلەتىن جانە باعدارلاماعا قوسىلۋعا نيەت بىلدىرگەن قازاقستاندىقتاردان قر بعم عىلىم كوميتەتىنە كوپ ءوتىنىش كەلىپ ءتۇستى. رەسمي زەرتتەۋ حاتتاماسىنان تىس ۆاكتسينانى سالدىرتۋعا دايىن ەرىكتىلەر دە بولدى», دەدى بىلىم جانە عىلىم ۆيتسە-ءمينيسترى ميراس داۋلەنوۆ.