الماتىدا قار كوشكىنى ءجۇرۋ قاۋپىنە بايلانىستى تاۋ بوكتەرلەرىنە شىعۋعا تىيىم سالىنادى. بۇل تۋرالى قالالىق توتەنشە جاعدايلار دەپارتامەنتىنىڭ ءباسپاسوز قىزمەتى مالىمدەدى.
دەپارتامەنت تاراتقان مالىمەتتەرگە قاراعاندا, جىلىمىق كەزدە جاۋىن-شاشىننىڭ تۇسۋىنە جانە قار جامىلعىسىنىڭ تۇراقسىزدىعى مەن بيىكتىگىنىڭ جوعارى بولۋىنا بايلانىستى ۇلكەن جانە كىشى الماتى سۋ الاپتارىندا 31 ناۋرىز - 2 ءساۋىر ارالىعىندا قار كوشكىنى قاۋپى ساقتالادى.
«كوشكىن ءجۇرۋ قاۋپى ىقتيمال بولۋىنا بايلانىستى, قارلى تىك جارتاستارعا شىعۋعا بولمايدى. تاۋدا اباي بولىڭىزدار» دەلىنگەن ۆەدومستۆانىڭ حابارلاماسىندا. قازگيدرومەت اۋا رايى بولجامىنا سايكەس ەلىمىزدىڭ باتىس جانە سولتۇستىك ايماقتارى جوعارى اتموسفەرالىق قىسىم اۋماعىندا بولعاندىقتان, كۇن رايى اشىق بولادى. كەي جەرلەردە تۇمان ءتۇسىپ, كوكتايعاق بولىپ, جەل كۇشەيەدى, كۇندىز وڭتۇستىك-شىعىستا نايزاعاي وينايدى.