شىمكەنت قالاسىنىڭ اكىمى مۇرات ايتەنوۆ قازاقستان رەسپۋبليكاسىنىڭ سينگاپۋر, اۋستراليا وداعى جانە جاڭا زەلاندياداعى توتەنشە جانە وكىلەتتى ەلشىسى اركەن ارىستانوۆپەن جانە سينگاپۋرلىق كاسىپكەرلەرمەن ونلاين فورماتتا كەزدەستى.
كەزدەسۋدە تاراپتار ەكى جاق ىنتىماقتاستىق, ينۆەستيتسيا ماسەلەسىن قوزعاپ, شىمكەنت قالاسىن ودان ءارى دامىتۋدىڭ جولدارىن تالقىلادى. كەزدەسۋدە تاراپتار ەكى جاق ىنتىماقتاستىق, ينۆەستيتسيا ماسەلەسىن قوزعاپ, شىمكەنت قالاسىن ودان ءارى دامىتۋدىڭ جولدارىن تالقىلادى.
قالا اكىمى شىمكەنتتىڭ رەسپۋبليكالىق ماڭىزداعى قالا مارتەبەسىن الۋى ەكونوميكا سەكتورىنا ينۆەستيتسيالىق اعىمنىڭ تۇسۋىنە قوسىمشا سەرپىن بەرگەنىن ايتىپ ءوتتى.
- قولايلى ينۆەستيتسيالىق احۋال, باسەكەلەستىگى جوعارى ورتا, ءال-اۋقاتىنىڭ اسا جوعارىعا كوتەرىلگەن دەڭگەيى — ەكونوميكانىڭ وسى ارتىقشىلىقتارىنىڭ بارلىعى سينگاپۋردى وڭتۇستىك-شىعىس ازيانىڭ قارجىلىق جانە ساۋدا ورتالىعىنا اينالدىردى. ياعني مەنەدجمەنت سالاسىندا كوش باستاپ تۇرعان ەلدەردىڭ ءبىرى دەپ بىلەمىز. وسى ورايدا بولاشاعى زور, ازيا مەن ەۋروپانى جالعايتىن حالىقارالىق حاب بولاتىن شىمكەنت قالاسىنا ينۆەستيتسيا جاساۋعا شاقىرامىن. وزىق تاجىريبەلەرىڭىزدى قولدانا وتىرىپ, بىرلەسكەن جوبالاردى جۇزەگە اسىرامىز دەپ سەنەمىن, - دەدى شاھار باسشىسى سينگاپۋرلىق كاسىپكەرلەرگە.
ءوز كەزەگىندە ەلشى اركەن ارىستانوۆ قازاقستان مەن سينگاپۋردىڭ اراسىندا ديپلوماتيالىق قارىم-قاتىناستار ورناتىلعانىنا 28 جىل تولعانىن, وسى ۋاقىت اراسىندا ەكى ەل اراسىنداعى ءوزارا دوستىق تەك نىعايۋمەن كەلە جاتقانىن نازارعا سالدى. ىنتىماقتاستىقتىڭ نەگىزگى باعىتتارى مەملەكەتتىك قىزمەت, ەلەكتروندى ۇكىمەت, ءبىلىم بەرۋ, بيۋدجەتتىك جوسپارلاۋ, شاعىن جانە ورتا كاسىپكەرلىكتى دامىتۋ, سوت جۇيەسى سەكىلدى سالالاردىڭ كەڭ اۋقىمىن قامتيتىندىعىن اتاپ ءوتتى.
سونداي-اق, كەزدەسۋدە سينگاپۋردا شىمكەنت قالاسىنىڭ تۋريستىك جانە ينۆەستيتسيالىق الەۋەتىن ناسيحاتتايتىن مادەني ءىس-شارالار وتكىزۋ ماسەلەسى دە تالقىعا ءتۇستى.