جەتىسۋدا جۇقپالى ىندەتتىڭ تارالۋ قاۋىپى تاعى دا جوعارىلاي تۇسكەن سياقتى. ويتكەنى, سوڭعى بىرەر تاۋلىكتە وبىلستا 91 ادامنان كورونۆيرۋس بەلگىسى انىقتالعان ەكەن. ال ايماق «سارى ايماق» ساناتىنا كىردى.
ىندەتتىڭ تارالۋ اۋماعى جۇرت ءجيى شوعىرلانعان قالالار مەن اۋدانداردا بايقالىپ وتىر. ماسەلەن, تالدىقورعان قالاسىندا 26 جاعداي تىركەلسە, تالعار اۋدانىندا – 24, جامبىل اۋدانىندا – 8, كوكسۋ اۋدانىندا – 7, ىلە جانە قاراساي اۋداندارىندا 5 تۇرعىننان اۋرۋ بەلگىسى تابىلعان. ال ەڭبەكشىقازاق, ەسكەلدى, ۇيعىر جانە پانفيلوۆ اۋداندارىندا 3 ناۋقاس, كەربۇلاق اۋدانىندا 2 ناۋقاس جانە رايىمبەك پەن سارقان اۋداندارىندا دا ناۋقاستار دارىگە كومەگىنە جۇگىنۋگە ءماجبۇر بولعان.
جالپى, وبلىس اۋرۋحانالارىندا 715 ادام كوروناۆيرۋستان ەم قابىلداپ جاتسا, ونىڭ ىنشدەگى 25 ناۋقاستىڭ جاعدايى اۋىر ەكەن. ال دارىگەرلەر وتكەن تۋالىكتە عانا 26 ناۋقاستىڭ دەرتىنە شيپا تاۋىپ, ىندەتتەن امان ساقتاپ, ايىقتارىپتى.
- وبلىستىڭ مەديتسينالىق ۇيىمدارى قاجەتتى جابدىقتارمەن جانە دارىلىك پرەپاراتتارمەن قامتاماسىز ەتىلگەن. ينفەكتسيالىق ستاتسيونارداعى توسەكتەر سانى 412 ورىنعا دەيىن كوبەيتىلىپ, قازىر ولاردىڭ جالپى سانى 1 550 بىرلىككە جەتكىزىلدى. ىندەتتىڭ تارالۋىنا جول بەرمەۋ مەن ەرتە انىقتاۋ ماقساتىندا دا جۇمىس ءجۇرىپ جاتىر. جىل باسىنان بەرى وڭىردە جۇمىس ىستەپ تۇرعان 11 پتر-زەرتحاناسىندا 137 مىڭ ادام تەست وتكىزىپ, تەكسەرىلدى. ال 391 ءموبيلدى بريگادا كوروناۆيرۋسكە شالدىعۋ كۇدىگى جوعارى ناۋقاستاردىڭ ۇيىنە بارىپ, جالپى شاقىرۋ بويىنشا 50,7 مىڭنان استام مەديتسينالىق قىزمەت كورسەتتى, - دەيدى وبلىستىق دەڭساۋلىق ساقتاۋ باسقارماسىنىڭ باسشىسى ومىرزاق نيازبەكوۆ.
ايتپاقشى, ايماقتا جاپپاي ۆاكتسيناتسيالاۋدىڭ ەكىنشى كەزەڭى قارقىندى ءجۇرىپ جاتىر. وسى ماقساتتا رەسەيلىك «سپۋتنيك V» ەكپەسىنىڭ 11 350 دوزاسى جەتكىزىلگەن. بۇگىندە كوروناۆيرۋس ينفەكتسياسىنا قارسى ۆاكتسينا سالۋ وڭىردەگى 30 ەگۋ پۋنكتىندە جۇرگىزىلۋدە. قازىرگە دەيىن 6883 ادامعا ەكپە جاسالعان ەكەن.
الماتى وبلىسى