قازاقستان مۇسىلماندارى ءدىني باسقارماسىنىڭ توراعاسى ناۋرىزباي قاجى تاعان ۇلى مىسىر اراب رەسپۋبليكاسىنا جاساعان رەسمي ساپارى كەزىندە «تالابا» قاۋىمداستىعىنىڭ شاكىرتتەرىنە تاۋەلسىزدىگىمىزدىڭ 30 جىلدىق مەرەيتويىنا وراي 1 ملن تەڭگە قايىرىمدىلىق كومەك كورسەتتى. بۇل تۋرالى muftyat.kz حابارلادى.
باس ءمۇفتي ناۋرىزباي قاجى تاعان ۇلى ەلشىلىكتە ستۋدەنتتەرمەن بولعان كەزدەسۋدە ءدىني باسقارمانىڭ جاۋاپتى وكىلى رۋسلان سەرعازيەۆكە سىيلىقتىڭ سەرتيفيكاتىن رەسمي تۇردە تابىستادى.
ء«دىني باسقارما شەتەلدە وقىپ جاتقان شاكىرتتەردى رۋحاني ءھام الەۋمەتتىك تۇرعىدان قولداۋ كورسەتۋگە ارقاشان دايىن. ءبىلىمنىڭ قۇبىلىسى بولىپ سانالعان مىسىر ەلىندە تولىققاندى ءبىلىم الىپ, ەلگە ورالىپ, قوعام يگىلىگى ءۇشىن قىزمەت ەتۋگە شاقىرامىن», دەدى ناۋرىزباي قاجى تاعان ۇلى.
ايتا كەتسەك, قايىرىمدىلىق باعىتتاعى قارجى قمدب «زەكەت» قورىنان ءبولىندى.