قازاقستاندىق كاسىپكەرلەردى مەملەكەتتىك كىرىستەر كوميتەتىنىڭ سايتىنان الۋعا بولاتىن ارنايى QR-كود ارقىلى سايكەستەندىرەتىن بولادى, دەپ حابارلايدى Egemen.kz
«شولىپ تەكسەرۋ» پيلوتتىق جوباسى كولەڭكەلى ەكونوميكانىڭ ۇلەسىن ازايتۋعا جانە سالىق مادەنيەتىن ارتتىرۋعا باعىتتالعان. مكك حابارلاعانداي, پيلوتتىق جوبانى 2022 جىلدىڭ سوڭىنا دەيىن اياقتاۋ جوسپارلانۋدا. جابىق بازارلاردىڭ, ساۋدا ۇيلەرىنىڭ, دۇكەندەردىڭ, پاۆيلونداردىڭ (اشىق بازارلاردى ەسەپتەمەگەندە) اۋماعىندا قر-دا كوتەرمە جانە (نەمەسە) بولشەك ساۋدانى جۇزەگە اسىراتىن كاسىپكەرلەر مەملەكەتتىك كىرىستەر كوميتەتىنىڭ پورتالىندا (kgd.gov.kz) «اقپاراتتىق رەسۋرستار» قوسىمشا بەتىندە شتريح-كودتى (QR-كودتى) الۋى ءتيىس.
سايكەستەندىرگىش كاسىپكەر تۋرالى مالىمەتتەردى (جسن/بسن, اتاۋى, باقىلاۋ-كاسسا ماشيناسىنىڭ ورنالاسقان جەرىنىڭ مەكەنجايى, سالىق تولەۋشىنىڭ مارتەبەسى, الكوگول ونىمىنە ليتسەنزيانىڭ بولۋى) قامتيدى. بۇل ساتىپ الۋشىلاردىڭ كاسىپكەردى سايكەستەندىرۋى ءۇشىن قاجەت. «مىسالى, فيسكالدى چەك بەرىلمەگەن, تاۋارلار ءۇشىن تولەمدى بانك كارتاسىمەن قابىلداۋدان باس تارتىلعان, الكوگول ونىمىنە ليتسەنزيا بولماعان جاعدايدا ساتىپ الۋشى ۇيالى تەلەفونىنىڭ كومەگىمەن QR-كود ارقىلى ەسەپتەلگەن پيلوتتىق جوباعا قاتىسۋشى تۋرالى دەرەكتەردى پايدالانا وتىرىپ, مەملەكەتتىك كىرىستەر ورگاندارىنا شاعىم جولداۋعا قۇقىلى», دەلىنگەن مەملەكەتتىك كىرىستەر كوميتەتىنىڭ ءباسپاسوز حابارلاماسىندا.
مەملەكەتتىك كىرىستەر ورگاندارىنىڭ لاۋازىمدى تۇلعالارى بەينە تىركەۋ جانە (نەمەسە) فوتوفيكساتسيا قۇرالدارىن قولدانا وتىرىپ جىبەرىلگەن شاعىمدار بويىنشا عانا شولىپ تەكسەرۋلى جۇرگىزەدى. بۇل رەتتە, شولىپ تەكسەرۋدى جۇرگىزۋ تۋرالى شەشىمدە كورسەتىلگەن شولىپ تەكسەرۋدى جۇرگىزۋ مەرزىمى باستالعانعا دەيىن 3 ء(ۇش) جۇمىس كۇنىنەن بۇرىن مەملەكەتتىك كىرىستەر ورگاندارىنىڭ ينتەرنەت-رەسۋرسىندا اتالعان شەشىم ورنالاستىرىلادى. شولىپ تەكسەرۋ جۇرگىزۋ ارقىلى سالىق تولەۋشىلەردى اكىمشىلەندىرۋ بويىنشا پيلوتتىق جوبانىڭ جۇرگىزىلۋ تارتىبىمەن مىنا سىلتەمە بويىنشا تولىعىراق تانىسۋعا بولادى.