عىلىمعا ارنالعان شىعىندار 2025 جىلعا قاراي ءجىو-ءنىڭ 1% - نە دەيىن وسەدى, دەپ حابارلايدى Egemen.kz بعم ءباسپاسوز قىزمەتىنە سىلتەمە جاساپ.
وتكەن جىلى ۇلتتىق عىلىمي كەڭەستىڭ قۇرامى جاڭارتىلىپ, جۇمىسىنىڭ جاڭا قاعيدالارى بەكىتىلگەن بولاتىن. جوبالاردىڭ ەكونوميكالىق ساراپتاماسى مەن ۇلتتىق عىلىمي كەڭەس بالدارىن سارالاۋ ءراسىمى, مەملەكەتتىك عىلىمي-تەحنيكالىق ساراپتاما ەنگىزىلدى.2021 جىلى العاش رەت عىلىمي ۇيىمداردى جاڭعىرتۋعا 2,8 ملرد تەڭگە كولەمىندە قاراجات ءبولىندى. بۇل 22 عىلىمي-زەرتتەۋ ينستيتۋتىنىڭ ماتەريالدىق-تەحنيكالىق بازاسىن نىعايتۋعا مۇمكىندىك بەردى.قىسقا ۋاقىت ىشىندە بيولوگيالىق قاۋىپسىزدىك عىلىمي-زەرتتەۋ ينستيتۋتىنىڭ عالىمدارى وتە ماڭىزدى جۇمىس جۇرگىزىپ, بىردەن بەس ۆاكتسينانى ازىرلەپ شىقتى. ولاردىڭ العاشقى ەكەۋى كلينيكاعا دەيىنگى جانە كلينيكالىق سىناقتاردان ءساتتى ءوتىپ جاتىر. وتاندىق ۆاكتسينالار ءوندىرىسىن ىسكە قوسۋ ءۇشىن GMP-ءنىڭ بارلىق تالابىنا سايكەس كەلەتىن زاۋىت سالىنىپ جاتىر. عىلىمدى قارجىلاندىرۋدى ودان ءارى ۇلعايتۋ جوسپارلانىپ وتىر. عىلىمعا ارنالعان شىعىندار 2025 جىلعا قاراي ءجىو-ءنىڭ 1% - نە دەيىن وسەدى. بۇل قازاقستاندىق عىلىمنىڭ دامۋىنا جاڭا سەرپىن بەرەدى.