قازاقستاننىڭ ءبىرىنشى, الەمنىڭ 44-راكەتكاسى الەكساندر بۋبليك دۋباي ATP 500 ءتۋرنيرىنىڭ ەكىنشى اينالىمىنا شىقتى, دەپ حابارلايدى Egemen.kz Olympic.kz سايتىنا سىلتەمە جاساپ.
ا.بۋبليك العاشقى اينالىمدا رەيتينگتە 59-ورىندا تۇرعان جاپونيالىق ەسيحوتو نيسيوكامەن كەزدەسەدى. ءبىرىنشى پارتيادا قازاقستاندىق تەننيسشى برەيكپەن العا شىعىپ, سول باسىمدىلىعىن ساقتاپ قالدى – 6:4. تارتىستى وربىگەن ەكىنشى سەت باسىندا قارسىلاستار برەيكپەن الماستى. اقىرى تاي-برەيكتە ا.بۋبليك جەڭىستى ج ۇلىپ الدى – 7:6 (7:4). باسەكە 1 ساعات 24 مينۋتقا سوزىلدى. قازاقستاندىق سپورتشى بۇدان بۇرىن سينگاپۋر تۋرنيرىندە دە ە.نيسيوكانى ۇتقان بولاتىن. ا.بۋبليك ەكىنشى اينالىمدا الەمنىڭ 34-ءىنشى, وسى دودانىڭ 16-راكەتكاسى, يتاليالىق ياننيك سيننەرمەن شەبەرلىك بايقاسادى.
جارىسقا ىرىكتەۋ سايىستارى ارقىلى وتكەن تاعى ءبىر قازاقستاندىق ميحايل كۋكۋشكيننىڭ قارسىلاسى انىقتالدى. ول الەمنىڭ 37-راكەتكاسى, گەرمانيالىق يان-لەننارد شترۋففپەن كۇش سىناسادى. جۇلدە قورى 2 ملن اقش دوللارىنان اساتىن تۋرنير 20 ناۋرىزدا اياقتالادى.