بۇگىن الماتى وبلىسىنىڭ بورالداي كەنتىندە ۇلتتىق قاۋىپسىزدىك كوميتەتى باسشىلىعى قاتىسقان ۇقك اۆياتسيا قىزمەتىنىڭ قازا تاپقان اسكەري قىزمەتشىلەرىنە اسكەري قۇرمەت كورسەتۋ ءراسىمى ءوتتى, دەپ حابارلايدى Egemen.kz قر ۇقك ءباسپاسوز قىزمەتىنە سىلتەمە جاساپ.
«قازا بولعانداردى جەرلەۋ ورنىنا جەتكىزۋ ءۇشىن ۇلتتىق قاۋىپسىزدىك كوميتەتىنىڭ جەرۇستى جانە اۋە كولىك قۇرالدارى تارتىلدى. ۇقك اپات سالدارىنان قازا تاپقان جانە زارداپ شەككەن اسكەري قىزمەتشىلەردىڭ تۋىستارى مەن جاقىندارىنا بارلىق قاجەتتى كومەك پەن قولداۋ كورسەتۋدە», دەلىنگەن حابارلامادا.
قىزمەتتىك مىندەتتەرىن ورىنداۋ كەزىندە مەرت بولعان اسكەري قىزمەتشىلەر ەسكە الىنىپ, ۇقك ورتالىق اپپاراتىنىڭ عيماراتىندا ۆەدومستۆولىق تۋ تومەن ءتۇسىرىلدى, ساعات 17:22-دە ۇلتتىق قاۋىپسىزدىك ورگاندارىندا ء«بىر مينۋت ۇنسىزدىك» جاريالانادى. قۇرىلعان ۆەدومستۆوارالىق جۇمىس كوميسسياسى اۋە اپاتىنىڭ ءمان-جايىن انىقتاۋ جانە بورتتاعى وزدىگىنەن جازاتىن قۇرالدى تالداۋ بويىنشا جۇمىس جۇرگىزۋدە.