قازاقستاندا زەينەتاقى جيناعى جوق شوتتار جابىلادى

«بجزق» اق قازاقستان رەسپۋبليكاسى قارجى نارىعىن رەتتەۋ جانە دامىتۋ اگەنتتىگى باسقارماسىنىڭ 2021 جىلعى 12 اقپانداعى № 27 قاۋلىسىمەن بەكىتىلگەن سالىمشىلاردىڭ (الۋشىلاردىڭ) جەكە زەينەتاقى شوتتارىنداعى (جزش) مىندەتتى زەينەتاقى جارنالارى, مىندەتتى كاسىپتىك زەينەتاقى جارنالارى جانە ەرىكتى زەينەتاقى جارنالارى ەسەبىنەن زەينەتاقى جيناقتارىن ەسەپكە الۋدى جۇرگىزۋ قاعيدالارىنىڭ 2021 جىلدىڭ 01 ناۋرىزىنان باستاپ كۇشىنە ەنگەنى تۋرالى حابارلايدى. بۇعان سايكەس جزش زەينەتاقى جيناقتارى بولماعان جاعدايدا 1 ء(بىر) اي وتكەن سوڭ جابىلادى.

وسىلايشا بجزق-دا بۇرىن اشىلعان, ونىڭ ىشىندە ادام جۇمىسقا تۇرىپ, شوت اشۋعا ءوتىنىش بەرگەن نەمەسە زەينەتاقىمەن قامسىزداندىرۋ تۋرالى شارت جاساسقان, بىراق قانداي دا ءبىر سەبەپتەرمەن اۋدارىمدار جاساي الماعان جاعدايلاردا, سونداي-اق, زەينەتاقى جيناقتارى بولعان جانە زەينەتاقى جيناقتارىنىڭ بارلىق سوماسى تولەنىپ, اۋدارىم جۇزەگە اسىرىلعان جزش-لارعا تولەم نە اۋدارىم جاسالعاننان كەيىن 1 ء(بىر) اي ىشىندە زەينەتاقى جارنالارى تۇسپەگەن جاعدايلاردا مۇنداي جزش جابىلادى.

01.02.2021 جىلى بجزق-داعى زەينەتاقى جيناقتارى جوق شوتتاردىڭ سانى شامامەن 121 مىڭ بىرلىك.

ەستەرىڭىزگە سالا كەتەيىك, 2019 جىلدان باستاپ بجزق-دا مىندەتتى زەينەتاقى جارنالارى (مزج) ەسەپكە الىناتىن جزش اشۋ ءۇشىن جەكە تۇلعاعا ءوتىنىشتى راسىمدەۋ ماقساتىندا بجزق-عا جۇگىنۋدىڭ قاجەتى جوق. شوت العاشقى جارنا كەلىپ تۇسكەن كەزدە بجزق اقپاراتتىق جۇيەسىندە اۆتوماتتى تۇردە اشىلىپ, جەكە تۇلعانى سايكەستەندىرۋ زەينەتاقى جارناسىن اۋدارۋ كەزىندە تولەم تاپسىرماسىنىڭ ەلەكتروندىق فورماتىندا كورسەتىلگەن دەربەس دەرەكتەر بويىنشا جۇزەگە اسىرىلادى. ال قولدانىستاعى قۇجاتتىڭ دەرەكتەمەلەرى مەن وزگە دە دەرەكتەمەلەرى تۋرالى بارلىق قاجەتتى مالىمەتتەردى بجزق مەملەكەتتىك ورگانداردىڭ اقپاراتتىق جۇيەلەرىنەن الادى. بجزق «ازاماتتارعا ارنالعان ۇكىمەت» مەملەكەتتىك كورپوراتسياسىنان ەلەكتروندىق حابارلاما العان كۇننەن باستاپ سالىمشى مزج ەسەبىنەن زەينەتاقىمەن قامسىزداندىرۋ تۋرالى شارتقا قوسىلعان بولىپ ەسەپتەلەدى.

جۇمىس بەرۋشى جارنالاردى ءبىرىنشى جالاقىدان مزج سوماسىن ۇستاپ قالعان كەزدەن باستاپ اۋدارادى, ياعني مزج-نى ء«نول» (ەسەپكە الاتىن جيناقتارى جوق) شوتتاردىڭ تۋىنداۋىنا جول بەرىلمەيدى.