قىزىلوردادا 2001-2003 جىلدارى تۋعان جاستار اراسىندا قازاقشا كۇرەستەن كۇش اتاسى قاجىمۇقانمۇڭايتپاس ۇلىنىڭ 150 جىلدىق مەرەيتويىنا وراي رەسپۋبليكالىق اشىق تۋرنير ءوتتى. توعىزىنشى مارتە ۇيىمداستىرىلعان بوز كىلەم باسەكەسىندە ەلىمىزدىڭ بارلىق وبلىستارى مەن الماتى, شىمكەنت قالالارىنان كەلگەن بالۋاندار بەلدەستى.
ءتۋرنيردىڭ اشىلۋىندا قالا اكىمىنىڭ ورىنباسارى اسقاربەك ەسجانوۆ ەلىمىزدىڭ بارلىق ايماقتارىنان جينالعان بالۋاندار باسەكەسى جىل سايىن سىر جۇرتشىلىعى اسىعا كۇتەتىن دوداعا اينالعانىن ايتىپ ءوتتى. بىلتىر پاندەمياعا بايلانىستى وتپەي قالعان سايىس بيىل قايتا جالعاسىن تاۋىپ وتىر. قازاق كۇرەسىن وسكەلەڭ ۇرپاققا ناسيحاتتاۋدى كوزدەگەن تۋرنير ۇلتتىق قۇراما ساپىنا ەنەتىن سپورتشىلاردى انىقتايتىن بىردەن-ءبىر جارىس. جارىس جۇلدەگەرلەرى سونىمەن بىرگە سپورت شەبەرلىگىنە ۇمىتكەر اتاعىن يەلەنەدى.
ءۇش كۇنگە سوزىلعان تارتىستى دودا قورىتىندىسىمەن ءتۋرنيردىڭ قولا جۇلدەسى ۇلتتىق قۇراماعا بۇيىرسا, جامبىلدىق بالۋاندار كۇمىس جۇلدەگەر اتاندى. ال سىر سپورتشىلارى ءبىرىنشى ورىن تۇعىرىنا شىقتى.
سايىس جۇلدەگەرلەرى مەن جەڭىمپازدارىنا قاجىمۇقان مۇڭايتپاس ۇلىنىڭ 150 جىلدىق مەرەيتويىنا ارنايى شىعارىلعان مەدال مەن قارجىلاي سىياقىلار تابىستالدى.