جىل سايىن كوكتەم ۋاقىتىندا قىس مەزگىلىنەن كەيىن جولداردى ساقتاۋ ءۇشىن ءبىر وستىك جۇكتەمەسى 8 توننادان اساتىن كولىكتەردىڭ جۇرۋىنە ۋاقىتشا شەكتەۋ ەنگىزىلدى. بۇل ەرەجەلەر ءبىرىنشى ناۋرىزدان باستاپ 7 وبلىستاعى تاس جولداردا قولدانىلىپ كەلەدى, دەپ حابارلايدى Egemen.kz.
«بەسىنشى جول-كليماتتىق دەپ اتالاتىن ايماققا» الماتى, اتىراۋ, جامبىل, قاراعاندى (جەزقازعان اۋدانى), قىزىلوردا, ماڭعىستاۋ جانە تۇركىستان وبلىستارى كىرىپ وتىر. مۇنداعى ۋاقىتشا شەكتەۋ 1 ناۋرىز بەن 1 ءساۋىر ارالىعىندا ساقتالماق.
شەكتەۋ توتەنشە جاعدايلاردىڭ الدىن الۋ جانە جويۋ جونىندەگى ءىس-شارالارمەن اينالىساتىن, جۇكتەر مەن جولاۋشىلاردى حالىقارالىق تاسىمالداۋدى جۇزەگە اسىراتىن, زارداپ شەككەندەرگە گۋمانيتارلىق كومەك كورسەتەتىن, ازىق-ت ۇلىك, جولاۋشىلار, جولجۇك, ءدارى-دارمەك تاسىمالدايتىن, سونداي-اق, جول-قۇرىلىس جۇمىستارىمەن اينالىساتىن كولىك قۇرالدارىنا قولدانىلمايدى.
23 ناۋرىزدان 1 مامىرعا دەيىن اتالعان شەكتەۋلەر اقمولا, اقتوبە, شىعىس قازاقستان, باتىس قازاقستان, قاراعاندى (قاراعاندى وبلىسى), قوستاناي, پاۆلودار جانە سولتۇستىك قازاقستان وبلىستارىندا ەنگىزىلمەك.