ەكىباستۇزدا جولاۋشىلار ۆاگونىنان ءورت شىقتى. ازىرگە ءورت سالدارىنان كەلگەن شىعىننىڭ مولشەرى بەلگىسىز, دەپ حابارلايدى Egemen.kz پاۆلودار وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىنە سىلتەمە جاساپ.
«كەشە ساعات 13:04-تە ءنومىرى 2-ءشى مامانداندىرىلعان ورتكە قارسى كۇرەس ءبولىمىنىڭ بايلانىس قىزمەتىنە ەكىباستۇز قالاسى, استانا كوشەسى 32ب مەكەن-جايىندا جولاۋشىلار ۆاگونىنىڭ ورتەنگەنى تۋرالى حابار كەلىپ ءتۇستى. «ەكىباستۇز موتورلى ۆاگون دەپوسى» جشس-ءنىڭ اشىق اۋماعىندا تەمىرجولدا مەتالدان جاسالعان جولاۋشىلار ۆاگونىنىڭ جاناتىن بولشەكتەرىنىڭ بارلىعى جانىپ كەتكەن. جالىن 73 شارشى مەتر اۋماقتى شارپىدى», دەلىنگەن حابارلامادا.