جاڭا جىلدان تەك جاقسىلىق كۇتەتىن جۇرتشىلىق مەرەكە جاقىنداعان سايىن وعان دايىندىعىن دا ۇدەتە تۇسەدى. بۇل مەرەكەنىڭ, اسىرەسە, بالالار ءۇشىن ورنى ەرەكشە. وسى تۇرعىدا بۇلدىرشىندەردىڭ قۋانىشتارىن ەسەلەي تۇسۋدە قازاق ءباسپاسوزىنىڭ قارا شاڭىراعى «ەگەمەن قازاقستان» گازەتى رەداكتسياسى دا شەت قالمادى. كەشە ۇجىم قىزمەتكەرلەرىنىڭ بالالارىنا ارنالعان جاڭا جىلدىق شىرشا مەرەكەسى ولاردىڭ كوڭىلدەرىن كوككە كوتەردى.
جاڭا جىلدان تەك جاقسىلىق كۇتەتىن جۇرتشىلىق مەرەكە جاقىنداعان سايىن وعان دايىندىعىن دا ۇدەتە تۇسەدى. بۇل مەرەكەنىڭ, اسىرەسە, بالالار ءۇشىن ورنى ەرەكشە. وسى تۇرعىدا بۇلدىرشىندەردىڭ قۋانىشتارىن ەسەلەي تۇسۋدە قازاق ءباسپاسوزىنىڭ قارا شاڭىراعى «ەگەمەن قازاقستان» گازەتى رەداكتسياسى دا شەت قالمادى. كەشە ۇجىم قىزمەتكەرلەرىنىڭ بالالارىنا ارنالعان جاڭا جىلدىق شىرشا مەرەكەسى ولاردىڭ كوڭىلدەرىن كوككە كوتەردى.
«ەڭ باياندى باقىت – بالا باقىتى. دۇنيەدە بالانىڭ قۋانعانىنان ارتىق قۋانىش بولمايدى. سوندىقتان دا بۇگىنگى شارا سەندەرگە ارنالادى. ويناڭدار, بيلەڭدەر, ك ۇلىڭدەر, بوتاقاندار!» دەدى جاسىل شىرشا ماڭايىنا جينالعاندار الدىندا «ەگەمەن قازاقستان» گازەتىنىڭ باسشىسى ساۋىتبەك ابدراحمانوۆ.
اياز اتا مەن قارشاقىزبەن بىرگە شىرشانى شىر كوبەلەك اينالعان بالدىرعاندار ءان, تاقپاق ايتىپ, ولاردان سىيلىقتار الىپ, ءماز بولىستى. سونداي-اق, بالالارىمەن كەلگەن اتا-انالار قۋانىشىندا دا شەك بولمادى. «بۇگىنگى وتكىزىلىپ جاتقان جاسىل شىرشا شىنىندا دا بالالاردى ەرەكشە كوڭىل-كۇيگە بولەۋدە. ۇجىمنىڭ قاي كەزدە دە بالالاردى ايالاۋعا زور ماڭىز بەرەتىنى ءبىزدى دە قۋانتادى. مەن وسىمەن بۇل شىرشاعا جەتىنشى جىل كەلىپ وتىرمىن», دەيدى «ەگەمەن قازاقستاننىڭ» كەلىنى, ءۇش بالانىڭ اناسى ءزۇلفيا اسەمباەۆا.
مەرەكەلىك شارا سوڭىندا بالالار ۇجىمنىڭ دايىنداعان باعالى سىيلىقتارىن الىپ, ارنايى دايىندالعان داستارقاننان ءدام تاتتى.
ءابدىراحمان قىدىربەك,
«ەگەمەن قازاقستان».