2013 جىلعى 30 قازان استانا قالاسى
شەتەلدە بولعان كەزەڭدە قازاقستان رەسپۋبليكاسىنىڭ اۋماعىنا كىرۋگە قۇقىق بەرەتىن قۇجاتتارىن جوعالتقان قازاقستان رەسپۋبليكاسىنىڭ ازاماتتارىن وتكىزۋ پۋنكتتەرىندە ۇستاۋ قاعيدالارىن بەكىتۋ تۋرالى
2013 جىلعى 30 قازان استانا قالاسى
شەتەلدە بولعان كەزەڭدە قازاقستان رەسپۋبليكاسىنىڭ اۋماعىنا كىرۋگە قۇقىق بەرەتىن قۇجاتتارىن جوعالتقان قازاقستان رەسپۋبليكاسىنىڭ ازاماتتارىن وتكىزۋ پۋنكتتەرىندە ۇستاۋ قاعيدالارىن بەكىتۋ تۋرالى
«قازاقستان رەسپۋبليكاسىنىڭ مەملەكەتتىك شەكاراسى تۋرالى» 2013 جىلعى 16 قاڭتارداعى قازاقستان رەسپۋبليكاسىنىڭ زاڭى 35-بابىنىڭ 4-تارماعىنا سايكەس بۇيىرامىن:
1. قوسا بەرىلىپ وتىرعان شەتەلدە بولعان كەزەڭدە قازاقستان رەسپۋبليكاسىنىڭ اۋماعىنا كىرۋگە قۇقىق بەرەتىن قۇجاتتارىن جوعالتقان قازاقستان رەسپۋبليكاسىنىڭ ازاماتتارىن وتكىزۋ پۋنكتتەرىندە ۇستاۋ قاعيدالارى بەكىتىلسىن.
2. قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتى وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن جانە ونىڭ رەسمي تۇردە جاريالانۋىن قامتاماسىز ەتسىن.
3. وسى بۇيرىق العاشقى رەسمي تۇردە جاريالانعان كۇنىنەن باستاپ قولدانىسقا ەنگىزىلەدى.
كوميتەت توراعاسى ن.ابىقاەۆ.
قازاقستان رەسپۋبليكاسى ۇقك توراعاسىنىڭ 2013 جىلعى 30 قازانداعى № 503 بۇيرىعىمەن بەكىتىلگەن
شەتەلدە بولعان كەزەڭدە قازاقستان رەسپۋبليكاسىنىڭ اۋماعىنا كىرۋگە قۇقىق بەرەتىن قۇجاتتارىن جوعالتقان قازاقستان رەسپۋبليكاسىنىڭ ازاماتتارىن وتكىزۋ پۋنكتتەرىندە ۇستاۋ قاعيدالارى
1. شەتەلدە بولعان كەزەڭدە قازاقستان رەسپۋبليكاسىنىڭ اۋماعىنا كىرۋگە قۇقىق بەرەتىن قۇجاتتارىن جوعالتقان قازاقستان رەسپۋبليكاسىنىڭ ازاماتتارىن وتكىزۋ پۋنكتتەرىندە ۇستاۋ قاعيدالارى قازاقستان رەسپۋبليكاسىنىڭ اۋماعىنا كىرۋگە قۇقىق بەرەتىن قۇجاتتارىن شەتەلدە بولۋ كەزەڭىندە جوعالتىپ العان قازاقستان رەسپۋبليكاسىنىڭ ازاماتتارىن وتكىزۋ پۋنكتتەرىندە ۇستاۋ ءتارتىبىن بەلگىلەيدى.
2. شەتەلدە بولعان كەزەڭدە قازاقستان رەسپۋبليكاسىنىڭ اۋماعىنا كىرۋگە قۇقىق بەرەتىن قۇجاتتارىن جوعالتقان قازاقستان رەسپۋبليكاسىنىڭ ازاماتتارى اكىمشىلىك تارتىپتە ۇستالعان ادامداردىڭ ساناتىنا جاتپايدى جانە وتكىزۋ پۋنكتىندە ەرىكتى تۇردە قالدىرىلادى.
3. شەتەلدە بولعان كەزەڭدە قازاقستان رەسپۋبليكاسىنىڭ اۋماعىنا كىرۋگە قۇقىق بەرەتىن قۇجاتتارىن جوعالتقان قازاقستان رەسپۋبليكاسىنىڭ ازاماتتارى وتكىزۋ پۋنكتتەرىندە جابىق ورىندارعا, ءۇي-جايلارعا (وبەكتىلەرىنە), سونداي-اق شەتەلگە باراتىن كولىك قۇرالدارىنا كىرۋىنە مۇمكىندىك بەرمەيتىن ورىنداردا شەكارالىق ناريادتىڭ باقىلاۋىندا ۇستالادى.
وتكىزۋ پۋنكتتەرىنىڭ جابىق ورىندارىنا, ءۇي-جايلارىنا (وبەكتىلەرىنە) شەكارالىق, كەدەندىك باقىلاۋدىڭ رەجيمدىك زونالارى مەن باقىلاۋ ورگاندارىنىڭ بولىمشەلەرى ورنالاساتىن قىزمەتتىك ءۇي-جايلار جاتادى.
4. شەتەلدە بولعان كەزەڭدە قازاقستان رەسپۋبليكاسىنىڭ اۋماعىنا كىرۋگە قۇقىق بەرەتىن قۇجاتتارىن جوعالتقان قازاقستان رەسپۋبليكاسىنىڭ ازاماتتارىنا قاتىستى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ (بۇدان ءارى – قر ۇقك شق) اسكەري قىزمەتشىلەرى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ اقپاراتتىق جۇيەلەرىن پايدالانا وتىرىپ, ولاردىڭ جەكە باسىن انىقتاۋ بويىنشا ءىس-شارالاردى جۇرگىزەدى.
شەتەلدە بولعان كەزەڭدە قازاقستان رەسپۋبليكاسىنىڭ اۋماعىنا كىرۋگە قۇقىق بەرەتىن قۇجاتتارىن جوعالتقان قازاقستان رەسپۋبليكاسىنىڭ ازاماتتارىن انىقتاۋ بويىنشا ءىس-شارالاردى جۇرگىزۋ كەزىندە ولار سانيتارلىق-تۇرمىستىق جاعدايلارى بار (وتىراتىن ورىن, دارەتحانا) جولاۋشىلارعا ارنالعان زالداردا بولادى جانە باجسىز ساۋدا دۇكەندەرىنە, تاماقتانۋ جانە مەديتسينالىق-سانيتارلىق كومەك كورسەتۋ پۋنكتتەرىنە ەركىن بارا الادى.
بۇل رەتتە شەتەلدە بولعان كەزەڭدە قازاقستان رەسپۋبليكاسىنىڭ اۋماعىنا كىرۋگە قۇقىق بەرەتىن قۇجاتتارىن جوعالتقان قازاقستان رەسپۋبليكاسىنىڭ ازاماتتارىنان جاۋاپ الۋدى قر ۇقك شق اسكەري قىزمەتشىلەرى جازباشا تۇردە جۇرگىزەدى. ادامداردىڭ ساۋالنامالىق دەرەكتەرى باسقا جەكە قۇجاتتارىنان, ولار بولماسا – تەكسەرىلۋشىنىڭ اۋىزشا ايتقانىنان جازىلادى.
5. شەتەلدە بولعان كەزەڭدە قازاقستان رەسپۋبليكاسىنىڭ اۋماعىنا كىرۋگە قۇقىق بەرەتىن قۇجاتتارىن جوعالتقان قازاقستان رەسپۋبليكاسىنىڭ ازاماتتارىنا قر ۇقك شق لاۋازىمدى تۇلعالارى جەكە باستى انىقتايتىن قۇجاتتاردى الۋ ءۇشىن, اقپارات الۋعا, بايلانىس قۇرالدارىنا, سونىڭ ىشىندە فاكسيميلدى نەمەسە ەلەكتروندى بايلانىسقا رۇقسات بەرۋگە كومەك كورسەتەدى.
6. ەگەر ءبىر تاۋلىك ىشىندە كەلگەن ادامنىڭ جەكە باسى انىقتالماعان جاعدايدا, وسى ادامعا قاتىستى «قازاقستان رەسپۋبليكاسىنىڭ مەملەكەتتىك شەكاراسى تۋرالى» 2013 جىلعى 16 قاڭتارداعى قازاقستان رەسپۋبليكاسىنىڭ زاڭىندا كوزدەلگەن شارالار جۇزەگە اسىرىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 9 جەلتوقساندا نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە № 8939 بولىپ ەنگىزىلدى.