بۇگىن «Nur Otan» پارتياسىنىڭ رەسپۋبليكالىق قوعامدىق قابىلداۋ الاڭىندا ۇلتتىق ەكونوميكا ءمينيسترى اسەت ەرعاليەۆ ازاماتتاردى جەكە قابىلدادى. حالىقپەن كەزدەسۋ ونلاين رەجىمىندە ءوتتى.
جەكە قابىلداۋعا نۇر-سۇلتان, الماتى قالالارىنىڭ, اقمولا جانە پاۆلودار وبلىستارىنىڭ تۇرعىندارى جازىلدى.
اقمولا وبلىسىنداعى جول قۇرىلىسىن قارجىلاندىرۋعا قاتىستى ءبىرىنشى سۇراقتى قاراوتكەل اۋىلدىق وكرۋگى قوعامدىق كەڭەسىنىڭ ءتورايىمى دينارا ابدراحمانوۆا قويدى.
«بۇگىندە استانا ماڭىنداعى ايماقتىڭ ينفراقۇرىلىمىن دامىتۋدىڭ پروبلەمالىق ماسەلەلەرىن شەشۋ ءۇشىن (ونىڭ ىشىندە جولداردى جوندەۋ جانە سالۋ) ەلورداعا ىرگەلەس ەلدىمەكەندەردى الەۋمەتتىك-ەكونوميكالىق دامىتۋدىڭ كەشەندى جوسپارى ارقىلى ىسكە اسىرىلۋدا. كەشەندى جوسپارعا تسەلينوگراد اۋدانىنىڭ قاراوتكەل اۋىلى قوسىلدى. ءسىزدىڭ كەنتتەگى قالعان 80 شاقىرىم جولدى جوندەۋگە 2022 جانە 2023 جىلدارعا قاجەتتى قاراجات قاراستىرىلعان. ءبىز جوبانى تولىعىمەن قولدايمىز», - دەپ جاۋاپ بەردى ۇەم باسشىسى.
پاۆلودار وبلىسى اۆتوۆوكزالدار, اۆتوموبيل جولاۋشىلار كولىگى كاسىپورىندارى قاۋىمداستىعىنىڭ پرەزيدەنتى باقىت سۋەنوۆ پاندەمياعا بايلانىستى 2020 جىلعى كەزەڭدە جولاۋشىلار تاسىمالى ءۇشىن ققس مولشەرلەمەسىن, سونداي-اق اۆتوۆوكزالدار مەن اۆتوستانسالاردىڭ مۇلكىنە سالىناتىن سالىقتى نولدەندىرۋ جونىندە ءوتىنىش جاسادى.
ءمينيستردىڭ ايتۋىنشا, جولاۋشىلار اۆتوبۋسىن تاسىمالداۋشىلاردى ققس-تان بوساتۋ ماسەلەسى بىرنەشە رەت كوتەرىلگەن. بۇل ۇسىنىس قولداۋ تاپتى. 2020 جىلعى 10 جەلتوقسانداعى زاڭدا تۇراقتى الەۋمەتتىك ماڭىزى بار اۆتوموبيل تاسىمالدارىن ققس-تان 3 جىلعا بوساتۋ جونىندەگى نورما كوزدەلگەن.
«توتەنشە جاعداي كەزىندە ەكونوميكانىڭ ەڭ كوپ زارداپ شەككەن سالالارىن قولداۋ ءۇشىن ۋاقىتشا سالىقتىق ىنتالاندىرۋ بولىگىندە ۇكىمەتتىڭ 3 قاۋلىسى قابىلداندى. قازىردە قىزمەتىنە تىيىم سالىنعان كاسىپكەرلەردى قولداۋ ماقساتىندا م ۇلىك سالىعىنان بوساتۋ ماسەلەسى قاراستىرىلۋدا», - دەدى ۇلتتىق ەكونوميكا ءمينيسترى.
سالىق كەڭەسشىسى ەكاتەرينا كيم بىرنەشە ماسەلەلەردى ايتتى: قوعامشىلداردى سالىق زاڭناماسىنا وزگەرىستەر ەنگىزۋ جونىندەگى جۇمىس توبىنا قوسۋ مۇمكىندىگى, كارانتيننەن كەيىنگى كەزەڭدەگى بيزنەستى قولداۋ شارالارى مەن ءبولىپ تولەۋ شەڭبەرىندە سالىق تولەۋ مەرزىمىن وزگەرتۋ.
ء «بىز ءسىزدى مىندەتتى تۇردە جۇمىس توبىنا قوسامىز. سالىق ساياساتىنا عانا ەمەس, سونداي-اق كاسىپكەرلىكتى دامىتۋعا جاۋاپتى ءبىزدىڭ مينيسترلىك ءۇشىن سىزدەر كوتەرىپ وتىرعان ماسەلە وتە ماڭىزدى. ءبىز ولاردى ازىرلەنىپ جاتقان شارالاردىڭ شەڭبەرىندە زەرتتەيمىز. ولاردىڭ كەيبىرەۋى بويىنشا جۇمىس جۇرگىزىلۋدە. بۇگىندە بيزنەستى قولداۋدىڭ جەدەل جانە جۇيەلى سيپاتتاعى قوسىمشا شارالارىن پىسىقتاپ جاتىرمىز. ءبىز وسىعان ءسىزدىڭ بەلسەندى تۇردە قاتىساتىنىڭىزدى مىندەتتى تۇردە كورگىمىز كەلەدى. سىزدەرمەن بيزنەس ۇسىنىستارىنىڭ بارلىق سپەكترىن ەگجەي-تەگجەيلى تالقىلاۋعا دايىن ەكەنىمدى بىلدىرەمىن», - دەپ اتاپ ءوتتى اسەت ەرعاليەۆ.
ونلاين-قابىلداۋ بارىسىندا نۇر-سۇلتان قالاسىنان جاميليا سادىقوۆا اكتسيزدەردى ارتتىرۋ جانە ءونىم قۇنىن ۇلعايتۋ ەسەبىنەن زياندى ونىمدەردى (قازاقستانداعى تەمەكى, الكوگول جانە قۇرامىندا قانت بار سۋسىندار) رەتتەۋ بويىنشا ۇسىنىس جاسادى.
«سالىق ساياساتى شەڭبەرىندە اكتسيزدەردىڭ وسۋىنە جانە ءونىمنىڭ (الكوگول, تەمەكى جانە ت.ب.) قۇنىنىڭ وسۋىنە بايلانىستى ءسىز ايتقان باعىتتار قولداۋ تابۋدا. ءبىز بۇل جۇمىستى جۇرگىزىپ جاتىرمىز. بۇگىنگى كۇنى سالىق كودەكسىندە الكوگول جانە تەمەكى ونىمدەرىنە اكتسيزدەردىڭ مولشەرلەمەلەرى كەزەڭ-كەزەڭىمەن ارتتىرىلعان. ءبىز سىزدەردىڭ ۇسىنىستارىڭىزدى مىندەتتى تۇردە ەسكەرەمىز جانە ولاردى تالقىلاۋ ءۇشىن تىزىمگە ەنگىزەمىز», - دەپ اتاپ كورسەتتى ۇلتتىق ەكونوميكا ءمينيسترى ازاماتتاردى قابىلداۋدى اياقتاي كەلىپ.