سوتتالعانداردى تاربيەلەۋدە پسيحولوگ كومەكتەسەدى

قازاقستان رەسپۋبليكاسى ىشكى ىستەر ءمينيسترى بەكىتكەن قىلمىستىق-اتقارۋ جۇيەسىنىڭ جۇمىسىن ۇيىمداستىرۋدى جەتىلدىرۋ جونىندەگى 2021 جىلعا ارنالعان كەشەندى ءىس-شارالار جوسپارىنىڭ 14-تارماعىن ىسكە اسىرۋ ماقساتىندا, ماڭعىستاۋ وبلىسى بويىنشا قاج دەپارتامەنتىنىڭ قاۋىپسىزدىگى بارىنشا تومەن مەكەمەسىندە تەرىس سيپاتتالاتىن سوتتالعاندارمەن تاربيەلىك-قۇقىقتىق جۇمىستار قارقىندى تۇردە جۇرگىزىلۋدە.

تاربيەلەۋ پروتسەسىنىڭ ءبىر باعىتى مەكەمەنىڭ پسيحولوگىمەن سوتتالعاندار اراسىندا ءارتۇرلى ترەنينگتەر وتكىزۋ بولىپ تابىلادى. وسى تۇرعىدا تاربيەلەۋ جۇمىسىندا نەعۇرلىم ءتيىمدى ناتيجەلەرگە قول جەتكىزۋ, سوتتالعاننىڭ جەكە باسىن, ونىڭ دامۋىن, جۇمىس قابىلەتتىلىگىن باعالاۋ, اينالاسىنداعى ادامدارمەن جانە وتباسىمەن قارىم-قاتىناستى جالعاستىرۋ ماقساتىندا, گم-172/8 مەكەمەسىنە جاڭادان تاعايىندالعان پسيحولوگ-مامان اسەل امانتاي مەكەمەدەگى ءوزىنىڭ جۇمىسىن «تۇلعانىڭ ىشكى جانە سىرتقى الەمىن تانۋى» اتتى تاقىرىپتا سوتتالعاندار اراسىندا ترەنينگ ۇيىمداستىرۋدان باستادى.

-سوتتالعاندار اراسىندا ترەنينگ وتكىزۋ, بىرىنشىدەن ولاردىڭ  جەكە دامۋ دەڭگەيىن ارتتىرادى, ەكىنشىدەن, ءالسىز جانە كۇشتى قاسيەتتەردى قالاي قابىلداۋ كەرەكتىگىن ۇيرەتەدى, ۇشىنشىدەن, اگرەسسيا, شامادان تىس تاجىريبە دەڭگەيىن تومەندەتەدى. ترەنينگ كەزىندە امبەباپ پسيحولوگيالىق تەست بولىپ تابىلاتىن «ارت-تەراپيا» ياعني, ء«ۇي-اعاش-ادام» دياگنوستيكالىق ءادىسى دە كەڭىنەن قولدانىلادى. بۇل ءادىس جەكە پورترەتكە جارىق ءتۇسىرۋ مۇمكىندىگىن بەرەتىن ماڭىزدى اقپارات كوزى بولىپ تابىلادى, دەيدى مەكەمە پسيحولوگى ءا.امانتاي.

ترەنينگ سوڭىندا ءاربىر سوتتالعاندار وزدەرىنىڭ تەرىس ويلارىن وڭ ويلارعا وزگەرتىپ, بۇكىل وقۋ پروتسەسى ءۇشىن كەرى بايلانىس جاسايتىنىن جاسىرمادى.

ترەنينگتىڭ ءاربىر بولىگى كەز-كەلگەن ادام ءۇشىن ءوزىن تۇلعا رەتىندە تانۋ, قوعامداعى مارتەبەسىن قالپىنا كەلتىرۋ, وتكەندى تاستاپ, دۇرىس ءومىر جولىنا ءتۇسۋ جولىنداعى ماڭىزدى قادام بولىپ تابىلاتىنى بارشاعا ءمالىم.