بىرىڭعاي جيناقتاۋشى زەينەتاقى قورىنىڭ سالىمشىلارى الەۋمەتتىك جەلىلەر مەن مەسسەندجەرلەردە الاياقتار تاراپىنان تەلەفون شابۋىلدارىنا قاتىستى جالعان اقپارات تاراتىلىپ جاتقانى تۋرالى حابارلادى.
«ولار وزدەرىن زەينەتاقى قورىنىڭ قىزمەتكەرلەرى رەتىندە تانىستىرىپ, بانك كارتاسىنىڭ ءنومىرىن بىلۋگە تىرىسادى جانە زەينەتاقىنى قايتا ەسەپتەۋ كەرەك دەگەن جەلەۋمەن ونىڭ دەرەكتەمەلەرىن اتاۋدى سۇرايدى. بجزق مۇنداي سپام-جىبەرىلىمنىڭ رەسەي فەدەراتسياسىندا بىرنەشە اي بويى جۇزەگە اسىرىلعانىن جانە قازاقستاندىق جيناقتاۋشى زەينەتاقى جۇيەسىنە ەشقانداي قاتىسى جوق ەكەنىن انىقتادى», دەلىنگەن حابارلامادا.
بجزق مۇنداي جىبەرىلىمدەردى جۇزەگە اسىرمايتىنىن جانە تەلەفون ارقىلى جەكە دەرەكتەر مەن ءسىزدىڭ بانكتىك كارتاڭىزدىڭ دەرەكتەرىن سۇرامايتىنىن حابارلايدى.
سونداي-اق قور بەيتانىس سايتتارعا كۇدىكتى سىلتەمەلەر بويىنشا وتپەۋگە كەڭەس بەرەدى جانە اقپاراتتى تەك enpf.kz رەسمي سايتىندا نەمەسە بجزق-نىڭ الەۋمەتتىك جەلىلەردەگى رەسمي پاراقشالارىندا تەكسەرۋ كەرەك ەكەنىن ەسكەرتەدى.