شىمكەنت قالاسىندا وسكەلەڭ ۇرپاقتى ءبىلىم نارىمەن سۋسىنداتىپ, عىلىمعا باۋلىپ وتىرعان ۇلاعاتتى ۇستازدىڭ ءبىرى - جادىرا شابدەن. قازىرگى تاڭدا ا.پۋشكين اتىنداعى №1 مەكتەپ-گيمنازيادا حيميا,بيولوگيا پاندەرىنىڭ مۇعالىمى بولىپ جۇمىس ىستەيدى.
جادىرا راحمانقۇلقىزى العاشقى ەڭبەك جولىن 2001 جىلى جوعارى مەديتسينا كوللەدجىنەن باستاعان. ول 19 جىل كاسىپتىك ءبىلىم بەرۋمەن قاتار قالاداعى كوللەدج مۇعالىمدەرىنە حيميا پانىنەن بىلىكتىلىگىن ارتتىرۋ بويىنشا ترەنەرلىك ەتىپ كەلگەن. وتكەن جىلدىڭ قاراشا ايىنان باستاپ ا.پۋشكين اتىنداعى №1 مەكتەپ-گيمنازياسىندا ديرەكتوردىڭ بەيىندىك وقۋ ءىسى جونىندەگى ورىنباسارى رەتىندە قىزمەتىن جالعىستىرىپ وتىر.
حيميا عىلىمدارىنىڭ ماگيسترى بۇگىنگە دەيىن جارىق كورگەن ماقالالارى مەن عىلىمي ەڭبەكتەرىن ەكولوگيا مەن قورشاعان ورتانى قورعاۋ جانە ادام دەنساۋلىعىن جاقسارتۋعا باعىتتادى.
ج.شابدەننىڭ وقۋشىلارى پاندىك وليمپيادالاردا, رەسپۋبليكالىق جانە قالالىق عىلىمي جوبالار كونكۋرستارىندا جۇلدەلى ورىن يەلەنىپ كەلەدى.
ۇرپاققا ءبىلىم بەرۋمەن بىرگە زامان تالابىنا ساي ءوز كاسىبي بىلىكتىلىگىن جەتىلدىرىپ وتىرعان ۇستاز بىرنەشە حالىقارالىق عىلىمي كونفەرەنتسيالار مەن وليمپيادالاردا بەلسەندىلىك تانىتقانى ءۇشىن قر ءبىلىم جانە عىلىم مينيسترلىگى «ۇزدىك پەداگوگ-2020» ءتوس بەلگىسىمەن ماراپاتتالعان.
قازىرگى تاڭدا, ۇلاعاتتى ۇستازدىڭ جاڭارتىلعان مازمۇنداعى ادىستەمەلىك وقۋلىعى رەسپۋبليكادا ءۇش تىلدە حيميا ءپانىن وقىتۋدا قولدانىلىپ كەلەدى. بۇدان بولەك, ۇلتتىق زياتكەرلىك مەنشىك ينستيتۋتى تاراپىنان «فارماتسيا ماماندىعىنا ارنالعان بەيورگانيكالىق كۋرسى» اتتى عىلىم تۋىندىسىنا پاتەنت بەرىلگەن.
جادىرا راحمانقۇلقىزىنىڭ جاڭاشىلدىعى, ءار بالانىڭ جان دۇنيەسىن تەرەڭ زەرتتەپ, تۇلعا رەتىندە قالىپتاسۋ جولىندا اتقارعان ەڭبەكتەرىنىڭ ارقاسىندا ارىپتەستەرى مەن شاكىرتتەرى الدىندا زور قۇرمەتكە يە.