قازاقستاندىق سپورتشى جانبوتا الدابەرگەنوۆا اقش-تىڭ يۋتا پارك ايماعىندا وتكەن فريستايل-اكروباتيكادان North American Cup جارىسىندا توپ جاردى.
حالىقارالىق جارىستىڭ فينالىندا ونەر كورسەتكەن وتانداسىمىز 85.68 ۇپاي جيناپ, North American Cup ءتۋرنيرىنىڭ جەڭىمپازى اتاندى. ەكىنشى ورىندى 76.56 كورسەتكىشىمەن اقش وكىلى تاسيا تاننەر يەلەنسە, قولا جۇلدە كانادالىق يۋستين ەلليگە بۇيىردى. سونداي-اق قازاقستان قۇراماسىنان سىنعا تۇسكەن سپورتشىلارىمىز اقمارال قالمۇرزاەۆا حالىقارالىق ءتۋرنيردى 6-ورىنمەن, ايانا جولداس 7-ورىنمەن تۇيىندەدى.
ايتا كەتەيىك, وسىدان بىرنەشە كۇن بۇرىن اقش-تىڭ دير-ۆەلليدە قالاسىندا وتكەن فريستايل-موگۋلدان FIS Open جارىسىندا 2018 جىلعى قىسقى وليمپيا ويىندارىنىڭ جۇلدەگەرى يۋليا گالىشەۆا دا التىن جۇلدە ەنشىلەگەن بولاتىن.