بۇگىن, 14 اقپاندا ساعات 8:56-دا الماتى قالاسى توتەنشە جاعدايلار دەپارتامەنتىنىڭ كۇشتەرى مەن قۇرالدارى «دوميلليون» ساۋدا ويىن-ساۋىق ورتالىعىنىڭ ەكىنشى قاباتىندا شىققان ءورتتى سوندىرۋگە جونەلتىلدى, دەپ حابارلايدى Egemen.kz
«كەلگەن ساتتە عيماراتتىڭ ىشىندەگى قويمالاردان قاتتى ءتۇتىن شىعىپ جاتقانى انىقتالدى. شۇعىل ءورت وقپاندارى بەرىلىپ, جەدەل شتاب قۇرىلدى. قابىلدانعان شارالاردىڭ ارقاسىندا ءورت ساعات 09:46-دا ءسوندىرىلدى. 50 شارشى مەتردى شارپىعان ءورت ءسوندىرۋ جانە ءتۇتىندى جويۋدىڭ اۆتوماتتى جۇيەسى دەر كەزىندە ىسكە قوسىلىپ, بۇل ءورتتىڭ تارالۋىنا جول بەرىلمەدى. وقيعا ورنىندا 24 بىرلىك تەحنيكا, جەكە قۇرامنان جانە قالانىڭ ءوزارا ءىس-قيمىل قىزمەتىنەن 79 ادام جۇمىلدىرىلدى», دەپ جازىلعان حابارلامادا.