2021 جىلدىڭ 11 اقپانىنداعى جاعداي بويىنشا بجزق-عا ۋاكىلەتتى وپەراتورلاردان («وتباسى بانكى» تقجب» اق جانە «قازاقستان حالىق بانكى» اق) تۇرعىن ءۇي جاعدايلارىن جاقسارتۋ ماقساتىندا بىرجولعى زەينەتاقى تولەمدەرىن جۇزەگە اسىرۋعا 109 900 ءوتىنىش ءتۇستى, دەپ حابارلايدى Egemen.kz.
جالپى سوماسى 386,4 ملرد تەڭگەدەن اساتىن 71 200 ءوتىنىش ورىندالدى. سالىمشىلاردىڭ ارنايى شوتتارىنا تۇسكەن تولەمدەردىڭ ورتاشا سوماسى 5,4 ملن تەڭگەدەن اساتىن سومانى قۇرادى.
21,7 ملرد تەڭگەدەن اسا سوماعا 3 988 ءوتىنىش ۋاكىلەتتى وپەراتورلاردا اشىلعان ارنايى شوتتارعا كەيىننەن تولەمدەر جاساۋ ءۇشىن وڭدەلۋدە.
ۇكىمەت قاۋلىسىمەن بەكىتىلگەن «زەينەتاقى تولەمدەرىن, بىرجولعى زەينەتاقى تولەمدەرىن تۇرعىن ءۇي جاعدايلارىن جاقسارتۋ جانە (نەمەسە) ەمدەلۋگە اقى تولەۋ ماقساتىندا جۇزەگە اسىرۋ» قاعيدالارىنا سايكەس, جيناقتاردى ۋاكىلەتتى وپەراتورعا اۋدارۋ ۋاكىلەتتى وپەراتوردان بجزق-عا سالىمشىنىڭ ءوتىنىشى كەلىپ تۇسكەننەن كەيىن 5 جۇمىس كۇنى ىشىندە جۇزەگە اسىرىلاتىنىن ەسكە سالامىز.
بۇل رەتتە قازاقستان رەسپۋبليكاسى ازاماتتىق كودەكسىنىڭ 173-بابىنا سايكەس ۋاقىت كەزەڭىمەن بەلگىلەنەتىن مەرزىمنىڭ ءوتۋى وقيعانىڭ باستالۋى بەلگىلەنگەن كۇنتىزبەلىك كۇننەن نەمەسە وقيعانىڭ باستالۋىنان كەيىنگى كەلەسى كۇنى باستالاتىنىن اتاپ وتكەن ءجون.
2021 جىلعى 25 قاڭتاردان باستاپ (بجزق ۋاكىلەتتى وپەراتوردان ءوتىنىش قابىلداي باستاعان كۇن) 34 712 ءوتىنىش زاڭناما تالاپتارىنا سايكەس كەلمەۋىنە بايلانىستى قابىلدانبادى. وتىنىمدەردى قابىلداماۋدىڭ نەگىزگى سەبەبى وتىنىشتە كورسەتىلگەن سۇراتىلىپ وتىرعان سومانىڭ زەينەتاقى جيناقتارىنىڭ الۋعا قولجەتىمدى سومادان اسىپ كەتۋى بولىپ تابىلادى. وتىنىشتەردى قابىلداماۋ سەبەپتەرى مەن ولاردى جويۋ بويىنشا ۇسىنىمدار تۋرالى بجزق بۇعان دەيىن ەگجەي-تەگجەيلى بايانداعان بولاتىن.
ەگەر قانداي دا ءبىر سەبەپتەرمەن سالىمشىنىڭ ءوتىنىشى قابىلدانباعان بولسا, ولاردى جويىپ, جەتكىلىكتىلىك شەگىنەن اساتىن سوما بولعان جاعدايدا, ءوتىنىشتى شەكسىز رەت بەرۋگە بولادى.