مەملەكەت باسشىسىنىڭ جارلىقتارىمەن قازاقستاننىڭ ارمەنيا, شۆەتسيا مەن برازيلياداعى ەلشىلەرى تاعايىندالدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
بولات ءباري ۇلى يمانباەۆ قازاقستان رەسپۋبليكاسىنىڭ ارمەنيا رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى, ول قازاقستان رەسپۋبليكاسىنىڭ مالايزياداعى توتەنشە جانە وكىلەتتى ەلشىسى قىزمەتىنەن, قازاقستان رەسپۋبليكاسىنىڭ برۋنەي-دارۋسسالامداعى توتەنشە جانە وكىلەتتى ەلشىسى قىزمەتىن قوسا اتقارۋدان بوساتىلدى;
سەرگەي نۇرتاي ۇلى نۇرتاەۆ قازاقستان رەسپۋبليكاسىنىڭ شۆەتسيا كورولدىگىندەگى توتەنشە جانە وكىلەتتى ەلشىسى قىزمەتىنە تاعايىندالدى, ول قازاقستان رەسپۋبليكاسىنىڭ يتاليا رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن, قازاقستان رەسپۋبليكاسىنىڭ مالتا رەسپۋبليكاسىنداعى, سان-مارينو رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋدان بوساتىلدى;
بولات تۇرار ۇلى ءنۇسىپوۆ قازاقستان رەسپۋبليكاسىنىڭ برازيليا فەدەراتيۆتىك رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى.