ريددەردە قار باسىپ قالعان ءتۋريستىڭ ولىمىنە قاتىستى تەرگەۋ كوميسسياسى قۇرىلدى

شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە, 6 تۋريست شاڭعى تەبۋ ءۇشىن ريددەرگە وسكەمەننەن كەلگەن. تاۋدان سىرعاناپ جۇرگەندە كەنەت كوشكىن ءجۇرىپ, ولاردىڭ ءبىرىن باسىپ قالدى.

دەرەۋ كومەككە تجد جەدەل قۇتقارۋ جاساعىنىڭ قۇتقارۋشىلار توبى ەۆروكوپتەر-145 تىكۇشاعىمەن شىقتى. قۇرامىندا 5 ادام بار ەكىنشى توپ جول تالعامايتىن كولىكپەن وسكەمەننەن جول تارتقان. وعان قوسا ريددەر قالاسىنان قۇتقارۋشىلار مەن 4 ۆولونتەر جۇمىلدىرىلدى. الايدا تىكۇشاق كۇننىڭ بۇلتتى بولۋى مەن اقتۇتەك بورانعا بايلانىستى قونۋعا ءماجبۇر بولعان. وسى ۋاقىتتا ساياحاتشىلار بايلانىسقا شىعىپ قار استىندا قالعان 1979 جىلعى ەر ادامنىڭ دەنەسىن تاپقاندارىن ايتتى.

ساياحاتشىلار تۇرعان ورىندارىنىڭ ناقتى كوورديناتتارىن بەرىپ, ول جەرگە قۇتقارۋشىلار مەن ۆولونتەرلار قاردا جۇرەتىن تەحنيكامەن جەتتى.

«11 اقپاندا 8 ۆولونتەر, 2 قۇتقارۋشى جانە 1 كريمينالدىق پوليتسيا قىزمەتكەرىنەن تۇراتىن توپ قازا بولعان ادامنىڭ دەنەسىن ءتۇسىرۋ ءۇشىن تاۋعا كەتتى. قالىڭ قار مەن بيىك تاۋدى ەڭسەرگەن ولار 35 شاقىرىمدى ارتقا تاستاعان. ساعات 15:10-دا مارقۇمنىڭ دەنەسى ءتۇسىرىلدى. ءتۋريستتىڭ ءولىمىن تەرگەۋ ءۇشىن كوميسسيا قۇرىلعان», دەپ حابارلادى ۆەدومستۆو وكىلدەرى.

وسى رەتتە قۇتقارۋشىلار ءوڭىر تۇرعىندارىنا قار كوشكىنى قاۋپى جوعارى تاۋلى ايماقتارعا بارماۋعا كەڭەس بەرەدى.