ءمينيستردىڭ ونلاين قابىلداۋىنا الماتى, جامبىل وبلىستارىنىڭ جانە شىمكەنت قالاسىنىڭ بەس تۇرعىنى جازىلدى, دەپ حابارلايدى Egemen.kz.
ولاردىڭ وتىنىشتەرى سۋبسيديا الۋ, جەڭىلدەتىلگەن نەسيەگە قول جەتكىزۋ, جەر زاڭناماسىنا قاتىستى نورماتيۆتىك قۇقىقتىق اكتىلەردى قولدانۋ ماسەلەلەرىنە بايلانىستى بولدى.
ولارعا قۇقىقتارىن قولدانۋ تاجىريبەسى مەن اگروونەركاسىپ كەشەنىندەگى مەملەكەتتىك قولداۋ شارالارىنا يە بولۋ مۇمكىندىكتەرى ءتۇسىندىرىلدى.
بۇدان بولەك, شاعىمىن جەتكىزگەن ازامات تا بولدى. شىمكەنتتەگى اۋديتورلىق كومپانيانىڭ وكىلى ۇلجارقىن كەمەلوۆا ءوز ماسەلەسى تۋرالى ايتىپ, اۋىل شارۋاشىلىعى كووپەراتيۆتەرىنىڭ ىشكى ءاۋديتىن جۇرگىزۋ قىزمەتتەرىنە اقى تولەۋدەن باس تارتۋدىڭ سەبەپتەرىن سۇرادى.
مينيستر ساپارحان وماروۆ قويىلعان بارلىق سۇراقتارعا جان-جاقتى جاۋاپ بەرۋگە تىرىستى. تالاپ ەتىلگەن جاعدايلاردا, جازباشا سۇراقتار مەن ۇسىنىستار جىبەرۋىن سۇرادى. ولاردى مينيستر ءوز باقىلاۋىنا الاتىنىن ايتتى.