مۇنداي پىكىردى قر پارلامەنتى سەناتىنىڭ توراعاسى ماۋلەن اشىمباەۆ Instagram الەۋمەتتىك جەلىسىندە ءبىلدىردى, دەپ حابارلايدى Egemen.kz.
«بۇگىن قازاقتىڭ اقيىق اقىنى مۇقاعالي ماقاتاەۆتىڭ تۋعانىنا 90 جىل تولىپ وتىر. بۇل – ادەبيەتىمىز ءۇشىن عانا ەمەس, تۇتاس رۋحانياتىمىز ءۇشىن اتاۋلى داتا. سەبەبى, مۇقاعالي – ۇلتتىق بولمىسىمىزدى ولەڭمەن ورگەن ءبىرتۋار تالانت يەسى.اقىننىڭ شىعارمالارىندا قازاقى بوياۋدىڭ قالىڭ ەكەنىن اڭعارۋ قيىن ەمەس. شىن مانىندە, ولەڭدەرىنەن ۇلتتىق رۋحتىڭ لەبى ەركىن سەزىلەدى. سول سەبەپتى دە مۇقاعاليدىڭ جىرلارى ءار وقىرماننىڭ جۇرەگىنە جول تابا ءبىلدى.«مەن – تاۋلىقپىن!» دەپ, حان تاڭىرىنەن شابىت العان اقىننىڭ ولەڭدەرى دە قازىرگى تاڭدا قازاق پوەزياسىنىڭ اسقار شىڭىنا اينالعانى انىق. سوندىقتان حالقىن, ءتىلىن, وتانىن ءۇش باقىتىنا تەڭەگەن مۇقاعاليدىڭ شىعارمالارىن دارىپتەۋدىڭ قاشاندا ماڭىزى زور. بۇل, اسىرەسە, بۇگىنگى بۋىن مەن كەلەر ۇرپاقتىڭ ابىرويلى مىندەتى بولۋعا ءتيىس», – دەلىنگەن جازبادا.