نۇر-سۇلتان قالاسىنىڭ جاستار ساياساتى ماسەلەلەرى باسقارماسى قازاقتىڭ كورنەكتى اقىنى مۇقاعالي ماقاتاەۆتىڭ 90 جىلدىق مەرەيتويىنا وراي, اقىننىڭ ولەڭ شۋماقتارىن وقۋ رەسپۋبليكالىق چەللەندجىن باستايدى, دەپ حابارلايدى قالا اكىمدىگىنىڭ رەسمي سايتى.
ءىس-شارانىڭ ماقساتى - مۇقاعالي ماقاتاەۆتىڭ شىعارمالارىن جاستار اراسىندا كەڭىنەن ناسيحاتتاۋ, شىعارمالارىن وقۋ ارقىلى وسكەلەڭ ۇرپاقتىڭ پاتريوتتىق رۋحىن كوتەرۋ, اقىننىڭ شىعارماشىلىعىنا دەگەن قىزىعۋشىلىقتارىن ارتتىرۋ.⠀باسقارما باسشىسى قايرات قامباروۆ چەللەندجگە باستاۋ بەرىپ, ونى باسقا وڭىرلەردەگى جاستار ساياساتى باسقارمالارىنا جانە وزگە دە بەلسەندى جاستارعا جولدادى.⠀اتالعان چەللەندج رەسپۋبليكالىق دەڭگەيدە ۇيىمداستىرىلىپ جاتىر. سول سەبەپتى كەز كەلگەن ادام اقىننىڭ قالاعان شىعارماسىن تاڭداپ, #مۇقاعاليماقاتاەۆ90جىل حەشتەگىمەن بولىسە الادى.