مساك-تىڭ (مەديتسينالىق-سانيتاريالىق العاشقى كومەك) 36 ۇيىمىندا بارلىعى 36 ەگۋ كابينەتى جۇمىس ىستەيدى, وندا COVID-19-عا قارسى ۆاكتسيناتسيا جۇرگىزۋ جوسپارلانۋدا. بۇل تۋرالى قالالىق قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ ءمالىم ەتتى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
«ەگۋ پۋنكتتەرى بارلىق قاجەتتى زاتتارمەن قامتاماسىز ەتىلگەن جانە سانيتارلىق تالاپتارعا سايكەس كەلەدى. بارلىق سانيتارلىق-ەپيدەميولوگيالىق نورمالاردى ساقتاي وتىرىپ, 36 ۆاكتسيناتسيا كابينەتى دايىندالدى», دەدى تيمۋر مۇرات ۇلى. باسقارما باسشىسى ءسوزىن جالعاي وتىرىپ, 36 جىلجىمالى بريگادا, سونداي-اق COVID-19-عا قارسى ۆاكتسيناتسيا جۇرگىزۋ مەن ۇيىمداستىرۋعا, قالدىقتاردى كادەگە جاراتۋعا جاۋاپتى قىزمەتكەرلەر بەلگىلەنگەنىن اتاپ ءوتتى.