بۇگىندە قوعامدىق دەنساۋلىق ساقتاۋ باسقارماسىنىڭ قويماسىندا كۆي-عا قارسى ۆاكتسينانىڭ 1 531 دوزاسى بار. بۇل تۋرالى وكق بريفينگىندە قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ ءمالىم ەتتى, دەپ حابارلايدى Egemen.kz.
«باسقارما قويماسىندا كولەمى 360 ليتر, ال ساقتاۋ تەمپەراتۋراسى -18-25°س بولاتىن 4 توڭازىتقىش بار. بمسك ۇيىمدارىندا جالپى سانى 20 مۇزداتقىش كامەرا (-18°س) جۇمىس ىستەپ تۇر. 2021 جىلعى 19 قاڭتاردا قوسىمشا 22 مۇزداتقىش كامەرالارى جەتكىزىلەدى دەپ كۇتىلىپ وتىر. تەرموكونتەينەرلەردىڭ 82 بىرلىگى بار», دەدى تيمۋر مۇراتوۆ. سونداي-اق باسقارما دسەك-پەن بىرلەسىپ ەگۋ كابينەتتەرىنىڭ دايىندىعى مەن ۆاكتسيناتسيالاۋ جۇرگىزۋگە ءارى «سۋىق تىزبەكتى» ساقتاۋ جاعدايلارىنىڭ بولۋىنا مونيتورينگ جۇرگىزۋدى جالعاستىراتىن بولادى.