سايرام اۋدانىندا زاڭسىز جەر ساتقان الاياق ۇستالدى

سايرام اپب-نا جەرگىلىكتى تۇرعىن ارىزدانىپ, الاياقتىڭ قۇربانى بولعانى جونىندە حابارلايدى. ەر ادامنىڭ ايتۋىنشا, تانىسى 2018 جىلدىڭ مامىر ايىندا سەگىز سوتتىقتان ءۇش جەر تەلىمىن 4,5 ميلليونعا باعالاپ ساتقان. الايدا ارادان ءبىر اپتا وتكەندە ساتىلعان ءۇش جەر ۋچاسكەسىنىڭ بىرەۋىنىڭ قۇجاتى دۇرىس ەمەس, ال ەكى جەر تەلىمى مۇلدەم باسقا ادامعا تيەسىلى بولىپ شىعادى. سودان جابىرلەنۋشى اقشاسىن قايتارۋدى تالاپ ەتكەنمەن, كۇدىكتى قۇجاتتارىن دۇرىستاپ بەرەمىن دەپ, ۋاقىت سوزىپ جۇرگەنىن جەتكىزەدى.

اتالعان جايت سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلىپ, قر قك-ءنىڭ 190-بابىمەن تىركەۋگە الىندى.

اقپارات الىسىمەن قىلمىستى اشۋ مەن الاياقتى قۇرىقتاۋ ماقساتىندا پوليتسەيلەر بىردەن ىسكە كىرىسەدى. كۇدىكتىنىڭ جەكە باسىن انىقتاپ, ونى اپب-نا جەتكىزەدى. باس شاراسى مىندەتتەمەدە. تۇركىستان وبلىسىنىڭ پوليتسەيلەرى الاياقتىق ارەكەتتەردى بولدىرماۋ ءۇشىن ازاماتتارعا مۇقيات بولۋدى جانە كۇماندى قىزمەتتەردى ۇسىناتىن بەيتانىس ادامدارعا ارتىق سەنىم بىلدىرمەۋگە كەڭەس بەرەدى.

سونىمەن قاتار تەز پايدا تابۋعا ۇمىتتەنىپ, ءوز مۇلكى مەن اقشاسىن, سونداي-اق بانكتىك ەسەپشوت كودتارى مەن باسقا دا جەكە اقپاراتتى بەلگىسىز ادامدارعا بەرمەڭىزدەر. ەگەر دە ءسىز, الاياقتىقتىڭ نەمەسە باسقا دا وسىنداي قىلمىستاردىڭ قۇربانى نەمەسە كۋاگەرى بولساڭىز, تەز ارادا پوليتسياعا “102” نومىرىنە حابارلاسىڭىزدار.