مەملەكەتتىك كىرىستەر كوميتەتى 2020 جىلعى 31 جەلتوقساندا جەكە تۇلعالارعا م ۇلىك سالىعى, جەر سالىعى جانە كولىك قۇرالدارى سالىعى بويىنشا سالىقتىق راقىمشىلىق اياقتالعانىن حابارلايدى.
جەكە تۇلعالار ءۇشىن ءوسىمپۇلدى ەسەپتەن شىعارۋ بويىنشا سالىقتىق راقىمشىلىق قازاقستان رەسپۋبليكاسىنىڭ 2020 جىلعى 2 شىلدەدەگى زاڭىنا سايكەس جۇرگىزىلدى.
ەسەپتەن شىعارۋدىڭ باستى شارتى سالىق بويىنشا نەگىزگى قارىز سوماسىن تولەۋ بولدى.
ءوسىمپۇلدى ەسەپتەن شىعارۋ ءۇشىن ەشقايدا بارۋدىڭ قاجەتى جوق ەدى. قارىزدىڭ نەگىزگى سوماسىن تولەۋ جەتكىلىكتى بولدى جانە ءوسىمپۇل اۆتوماتتى تۇردە ەسەپتەن شىعارىلدى.
ماسەلەن, 2020 جىلعى 1 قاڭتارداعى جاعداي بويىنشا 21 697 164 206 تەڭگە نەگىزگى قارىزى جانە 4 254 324 271 تەڭگە مولشەرىندە ءوسىمپۇل سوماسى بار1 513 879 ازاماتتىڭ سالىقتىق راقىمشىلىققا قاتىسۋعا قۇقىعى بار بولاتىن.
جىل قورىتىندىسى بويىنشا ءوسىمپۇلدى ەسەپتەن شىعارۋ شاراسىن 1 057 764 ازامات (70%) پايدالاندى, ولار بويىنشا 14 849 385 721 تەڭگە (68%) مولشەرىندە نەگىزگى بورىش سوماسى تولەندى جانە 2 050 503 348 تەڭگە (48%) سوماسىندا ءوسىمپۇل ەسەپتەن شىعارىلدى.
مەملەكەتتىك كىرىستەر كوميتەتىمەن ءوسىمپۇلداردى ەسەپتەن شىعارۋ بويىنشا اكتسيا قورىتىندىسى بويىنشا 1 ملن.استام ازاماتتىڭ 2 ملرد تەڭگە قارىزىن ەسەپتەن شىعاردى.
مەملەكەتتىك كىرىستەر كوميتەتى 2020 جىلعى سالىقتىق راقىمشىلىقتى پايدالانعانداردىڭ سانى بويىنشا ناتيجەلەر 2019 جىلعى وتكەن سالىقتىق راقىمشىلىقتىڭ ناتيجەلەرىنەن اسىپ تۇسكەنىن اتاپ وتەدى (2020 جىلى 1,1 ملن.ازامات, 2019 جىلى 755,7 مىڭ ازامات نەمەسە 300,0 مىڭ ازاماتقا كوپ).