ارنايى شوتتارعا اۋدارىلا باستادى

بريفينگ بارىسىندا «بىرىڭعاي جيناقتاۋشى زەينەتاقى قورى» اق باسقارما توراعاسى جانات قۇرمانوۆ ناۋقاننىڭ العاشقى قورىتىندىلارى جايلى باياندادى. ول ناۋقانعا قاتى­سۋشىلار, ەڭ الدىمەن, ءوز جيناقتارىن تەك­سەرىپ, جەتكىلىكتى شەگىنەن اساتىن سو­مانىڭ بار ەكەنىنە كوز جەتكىزۋى كەرەك ەكە­نىن ەسكە سالدى. اقپاراتتى ەلەكتروندى فورماتتا الۋعا بولادى. ونى enpf.kz ساي­تىندا جەكە كابينەتتەن نەمەسە ەتسق پايدالانا وتىرىپ, ءموبيلدى قو­سىم­شادان, سونداي-اق telegram بوت ارقىلى جانە «ازاماتتارعا ارنالعان ەلەكتروندى ۇكىمەتتىڭ» ءموبيلدى قوسىمشاسى ارقىلى الۋعا بولادى.

بيىل 5-31 قاڭتار ارالىعىندا بجزق-عا ءتۇرلى ارنالار ارقىلى جەكە زەينەتاقى شوتىنان ءۇزىندى كوشىرمە سۇراپ, 1,2 ملن-نان اسا سالىمشى مەن الۋشى جۇگىنگەن. ولارعا 3,7 ملن ءۇزىندى كوشىرمە بەرىلدى. بۇل رەتتە ازاماتتار ءۇزىندى كوشىرمەنىڭ 96%-ىن قاشىقتان جانە 4%-عا جۋىعىن بجزق بولىمشەلەرىنەن الدى.

«ازاماتتار ءوز شوتىنىڭ جاي-كۇيى تۋرالى اقپارات الىپ, ەڭ تومەنگى قاجەتتى جەتكىلىكتى سوماسىنان اساتىن قارجىنى پايدالانۋ تۋرالى شەشىم قابىلداپ, ءوتىنىم بەرۋگە جانە تۇرعىن ءۇي جاعدايلارىن جاقسارتۋعا, ەمدەلۋگە اقى تولەۋ ءۇشىن زەينەتاقى جيناقتارىن نىسانالى پايدالانۋ شارتتارىنا بايلانىستى بارلىق ماسەلەنى ۋاكىلەتتى وپەراتورلارعا ء«بىر تەرەزە» قاعيداتى بويىنشا جىبەرەدى. بجزق-عا جەكە ءوتىنىش بەرۋ تالاپ ەتىلمەيدى. بارلىق پروتسەسس اۆتوماتتاندىرىلعان», دەدى ج.قۇرمانوۆ.

قازىرگى ۋاقىتتا بجزق 4 بانكپەن ءوزارا ءىس-قيمىل تۋرالى كەلىسىم جاساس­تى. ولار – «وتباسى بانك» تۇرعىن ءۇي قۇرىلىس جيناق بانكى» اق, «قازاقستان حالىق بانكى» اق, «Altyn Bank» اق, «بانك تسەنتركرەديت»اق.

25 قاڭتاردا بجزق ۋاكىلەتتى وپەراتور – «وتباسى بانكىنەن» وتىنىمدەر قابىلداي باستادى. 28 قاڭتاردا بجزق-عا «قازاقستان حالىق بانكى» ۋاكىلەتتى وپەراتورىنان وتىنىمدەر تۇسە باستادى. وسىلايشا, وتىنىمدەردى قابىلداۋ باستالعاننان باستاپ 30 قاڭتارعا دەيىن بجزق جالپى سوماسى 212,6 ملرد تەڭگەگە 38 507 ءوتىنىمدى الدىن الا ماقۇلدادى جانە وڭدەۋگە قابىلدادى.

«تالداۋ كورسەتكەندەي, وتىنىمدەردى قابىلداماۋدىڭ نەگىزگى سەبەبى – وتى­نىمدە كورسەتىلگەن سۇراتىلاتىن سوما زەي­نەتاقى جيناقتارىن الۋ ءۇشىن قولجە­تىمدى سومادان اسىپ كەتۋى. قايتا بەرىل­گەن وتىنىمدەر بولدى. بجزق-دا جي­ناقتارى جوق سالىمشىلاردان جەكە­لەگەن وتىنىمدەر كەلىپ ءتۇستى. دۇرىس رەسىم­دەل­مەگەن باسقا دا وتىنىمدەر بولدى. سون­دىقتان سالىمشىلارعا الۋ سوماسى دۇرىس بولۋى ءۇشىن اقپاراتتى مۇقيات تەكسەرۋ قاجەت ەكەنىن تاعى ايتامىز. 2021 جىلدىڭ 1 اقپانىندا بجزق 25 قاڭتاردا كەلىپ تۇسكەن وتىنىمدەر بويىنشا تولەم جۇرگىزۋدى باستادى. سالىمشىلاردىڭ 8 454 ءوتىنىمى بويىنشا شامامەن 49,2 ملرد تەڭگە ۋاكىلەتتى وپەراتور – «وتباسى بانكىندەگى» ارنايى شوتتارعا اۋدارىلدى», دەدى قور باسشىسى.

106,5 مىڭ قازاقستاندىق «تقجب24» ءموبيلدى قوسىمشاسى جانە «وتباسى بانك» سايتىنداعى بەينەقوڭىراۋ ارقىلى ارنايى اعىمداعى شوتتار اشتى. Enpf-otbasy.kz ونلاين-پلاتفورماسىندا 81 مىڭ ادام بىرجولعى زەينەتاقى تولەمدەرىن الۋعا ءوتىنىم بەردى. بجزق 50 519 ءوتىنىمدى ماقۇلدادى. ءبىرىنشى كەزەڭ اياقتالدى. ولاردىڭ وتىنىمدەرى بويىنشا ارنايى شوتقا اقشا اۋدارىلۋدا.

«وتباسى بانك» تۇرعىن ءۇي قۇرىلىس جيناق بانكى» باسقارما ءتورايىمى ءلاززات يبراگيموۆانىڭ ايتۋىنشا, الەۋمەتتىك جەلىلەردى پايدالانۋشى­لاردان كەلىپ تۇسكەن كوپتەگەن وتىنىش­تەردى ەسكەرە وتىرىپ, بانك پورتالدى جاڭعىرتۋ تۋرالى شەشىم قابىلدادى.

«سيرەك كەزدەسەتىن, بىراق وتە تاباندى ءوتىنىش بولدى, بۇل – ءوتىنىمنىڭ ماقساتىن تۇزەتۋگە مۇمكىندىك بەرۋ. ياعني الدىمەن ادام قارىزدى وتەۋگە ءوتىنىش بەرگەن, ال ەندى يپوتەكاعا جاڭا پاتەر ساتىپ العىسى كەلەدى. ەكىنشى ءوتىنىش – ءوتىنىمدى جويۋ مۇمكىندىگى. كوبى اقشانىڭ بارىن, ونىڭ اۋدارىلعانىن جانە جىل سوڭىنا دەيىن بارلىق وپەراتسيالاردى ورىنداي الاتىنىن تەكسەرگىسى كەلگەن. مۇنداي مۇمكىندىك تە بەرىلەدى. ءۇشىنشى ۇسىنىس – قازىردىڭ وزىندە جىبەرىلگەن وتىنىمدەر, مىسالى, قارىزدى وتەۋگە, سول وتىنىمگە قوسىمشا ءوتىنىش بەرۋشى – تۋىستى تىركەۋ. ءبىز بۇل مۇمكىندىكتى دە پىسىقتاپ جاتىرمىز. 10 كۇننىڭ ىشىندە ول دايىن بولادى دەپ ويلايمىن», دەدى بانك باسشىسى.