قازاقستاننىڭ ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى قايرات كەلىمبەتوۆ 2021 جىلى ۇلتتىق حالىق ساناعىن وتكىزۋ تۋرالى ايتتى, دەپ حابارلايدى Egemen.kz
«پرەزيدەنت جانىنداعى رەفورمالار جونىندەگى جوعارى كەڭەستىڭ شەشىمىنە سايكەس, ۇلتتىق ساناق بيىل جۇرگىزىلەدى. 2021 جىلعى ۇلتتىق حالىق ساناعىنىڭ جاڭالىعى – زاماناۋي تسيفرلىق تەحنولوگيالاردى ەنگىزۋ جانە پروتسەستى اۆتوماتتاندىرۋ», دەدى كەلىمبەتوۆ ۇكىمەت وتىرىسىندا.
ەندى تۇرعىندار تۋرالى دەرەكتەردى جيناۋ 2 جولمەن جۇرگىزىلەدى.
ء«بىرىنشى ءادىس – sanaq.gov.kz سايتىندا ينتەرنەت ساۋالناما جۇرگىزۋ. ول ۆيرتۋال كومەكشى ارقىلى, قاي جەردە وتىرعانىنا قاراماستان, ءوزى جانە وتباسى جايلى ساناق پاراعىن تولتىرۋعا مۇمكىندىك بەرەدى.
ەكىنشىسى – قاجەتتى سانيتارلىق نورمالاردى ساقتاي وتىرىپ, ءداستۇرلى ارالاۋ. بۇل ونلاين رەجيمدە ساناقتان وتپەگەن رەسپوندەنتتەر اراسىندا جۇرگىزىلەدى.
تاعى ءبىر جاڭالىق – ءۇي-ءۇيدى ارالاعاننان كەيىن مالىمەتتەر پلانشەتكە جۇكتەلەدى جانە جەرگىلىكتى مەكتەپتەرگە بەرىلەدى. مۇنداي ساناق 1-30 قازان ارالىعىندا جۇرگىزىلەدى», دەدى ول.