2018 جىلى اقتاۋ قالاسىنداعى نازارباەۆ زياتكەرلىك مەكتەبىن تامامداعان تۇپقاراعان اۋدانى تاۋشىق اۋىلىنىڭ تۋماسى اسقارباي قىزىلعۇلوۆ بۇگىندە ەۋروپانىڭ ۇزدىك جوعارى وقۋ ورىندارىنىڭ ءبىرى – دەبرەتسەن ۋنيۆەرسيتەتىنىڭ ازاماتتىق اۆياتسيا فاكۋلتەتىندە ءبىلىم الۋدا.
اسقاربايدىڭ اكەسى مۇناي مەكەمەسىندە جۇرگىزۋشى بولسا, اناسى – اۋىل مەكتەبىندە تاجىريبەلى ماتەماتيكا مۇعالىمى.
– بولاشاقتا ۇشقىش بولۋدى ارمانداپ, الدىما ۇلكەن ماقسات قويدىم. بۇگىندە ەۋروپانىڭ ۇزدىك وقۋ ورنىندا ءبىلىم الىپ ءجۇرمىن. مۇندا اسا قاتتى وزگەشەلىك جوق جانە ۋنيۆەرسيتەت ماعان قاتتى ۇنايدى, – دەيدى اسقارباي قىزىلعۇلوۆ.
دەبرەتسەن ۋنيۆەرسيتەتى – ۆەنگرياداعى ەڭ كونە جوعارى وقۋ ورىندارىنىڭ ءبىرى. كونە بولسا دا ستۋدەنتتەرگە تەوريا مەن تاجىريبەنى ۇشتاستىرىپ ءبىلىم بەرەتىندىگىمەن تانىمال. ۇشقىش ماماندىعىن 3,5 جىل عانا وقىتادى. اسقارباي وقۋىن ءساتتى تامامداعان سوڭ, وتاندىق اۋە كومپانيالارىنىڭ بىرىندە جۇمىس ىستەگىسى كەلەدى.
الىستا ءبىلىم الىپ جۇرگەن اۋىل بالاسىنىڭ ماقساتى بيىك.
ماڭعىستاۋ وبلىسى