تۇركىستان وبلىسىنىڭ بادام اۋىلىندا 3 بىردەي جاڭا مەكتەپ سالىنادى, دەپ حابارلايدى Egemen.kz
تۇركىستان وبلىسى ورداباسى اۋدانىنا قاراستى بادام اۋىلىندا ءسابيت مۇقانوۆ اتىنداعى 300 ورىندىق جالپى ورتا مەكتەپتىڭ جانە قاجىمۇقان اتىنداعى 200 ورىندىق جالپى ورتا مەكتەپتىڭ قۇرىلىسى باستالدى.
سونىمەن قاتار جىلدار بويى «وردا» مولتەكاۋدانىنىڭ وزەكتى ماسەلەسىنە اينالعان ينفراقۇرىلىم قۇرىلىسىنا قارجى ءبولىنىپ, قۇرىلىس جۇمىستارى باستالدى.
قازىرگى تاڭدا «وردا» مولتەكاۋدانىنان تۇسەتىن 600 ورىندىق مەكتەپ قۇرىلىسىنىڭ جوبالاۋ-سمەتالىق قۇجاتتارى ازىرلەنۋدە.
سونداي-اق, قاراباستاۋ اۋىلىنا فەلدشەرلىك-اكۋشەرلىك بەكەت سالىنادى.
سونداي-اق, بادام اۋىلىندا «اگروونەركاسىپ كەشەنىن دامىتۋ باعدارلاماسى» اياسىندا وتكەن جىلى قابىلدانعان ۇشجاقتى كەلىسىمشارتقا سايكەس 10 408 گا ەگىستىك جەر يگەرىلگەن.
2 گەكتار جىلىجاي ىسكە قوسىلىپ, 85 گەكتارعا تامشىلاتىپ سۋعارۋ ءادىسى ەنگىزىلگەن.
10-15 باسقا ارنالعان 11 مال بورداقىلاۋ الاڭى اشىلدى. بۇدان باسقا 3 شاعىن جانۇيالىق فەرما جۇمىسىن باستادى.
سونىمەن قاتار, بىلتىر «اۋىل – ەل بەسىگى» باعدارلاماسى اياسىندا وكرۋگتەگى 23 كوشەگە ورتاشا جوندەۋ جۇمىستارى جۇرگىزىلگەن.
ساكەن سەيفۋللين اتىنداعى مەكتەپ جانە «ديامۋر» بالاباقشاسى كۇردەلى جوندەۋدەن ءوتىپ, پايدالانۋعا بەرىلدى.
بادام اۋماعىندا جالپى ۇزىندىعى 41 شاقىرىمدى قۇرايتىن 4 كانال بار. ونىڭ 27 شاقىرىمى مەحانيكالىق تازالاۋدان ءوتتى.