ازەربايجاننىڭ اگدام اۋدانىندا تاۋلى قاراباقتاعى اتىستى توقتاتۋدى باقىلاۋ بويىنشا بىرلەسكەن رەسەي-تۇرىك ورتالىعى جۇمىسىن باستادى.
بۇل تۋرالى رەسەي قورعانىس مينيسترلىگى حابارلادى. ورتالىق قۇرامىندا ءار تاراپتان 60-قا دەيىن اسكەري قىزمەتشى جۇمىس ىستەيتىن بولادى. سونداي-اق جاڭا ورتالىق تاراپتاردىڭ اسكەري باسقارۋ ورگاندارىمەن جانە رەسەيدىڭ بىتىمگەرشىلىك كونتينگەنتىنىڭ شتابىمەن تىكەلەي بايلانىسا الادى. 30 قاڭتاردا وتكەن بىرلەسكەن رەسەي-تۇرىك ورتالىعىنىڭ اشىلۋ سالتاناتىنا ازەربايجان قورعانىس مينيسترلىگىنىڭ باسشىسى زاكير گاسانوۆ, رەسەي قورعانىس ءمينيسترىنىڭ ورىنباسارى الەكساندر فومين جانە تۇركيا ۇلتتىق قورعانىس ءمينيسترىنىڭ ورىنباسارى يۋنۋس كاراوسمانوگلۋ قاتىستى. باقىلاۋ ورتالىعى تاۋلى قاراباقتا اتىستى توقتاتۋ بويىنشا اقپاراتتى جيناپ, جيناقتاپ, تەكسەرىپ وتىرادى.