قوستاناي وبلىسىنداعى قارجى پوليتسياسىنىڭ قىزمەتكەرلەرى «جەلدوركومپانيا» جشس لاۋازىمدى تۇلعالارىنا قاتىستى قىلمىستىق ءىس قوزعادى. بۇل تۋرالى «24 kz» حابارلادى.
كۇدىكتىلەر رەسەيدىڭ بريانسك وبلىسىنا 1 620 000 دوللاردى قۇرايتىن قوس تەپلوۆوزدى زاڭسىز جىبەرمەكشى بولعان. ول ءۇشىن جالعان قۇجاتتار دايىنداپ, تەپلوۆوزداردىڭ زاۋىتتىق نومەرلەرىن وزگەرتكەن. بۇل تەحنيكالار قارجىلىق ليزينگ كەلىسىمى بويىنشا الىنعان ەكەن. قازىر قۇقىق قورعاۋ قىزمەتكەرلەرى وسى وقيعاعا بايلانىستى تەرگەۋ امالدارىن جۇرگىزۋدە. ال ولار ازىرگە ايىپكەرلەردىڭ ەسىمىن اشىق جاريالاماي وتىر. سوندىقتان ءبىز بۇل ءىستىڭ قورىتىندىسىن قوسىمشا حابارلايتىن بولامىز.
باقىتبەك كەنەش ۇلى.
دەرەككوز: «24 kz»