پاندەميا, كارانتيندىك شەكتەۋلەر ەنگىزۋ جانە سانيتارلىق تالاپتاردى قاتاڭداتۋ كەزەڭىندە ەلدىڭ دەنساۋلىق ساقتاۋ جۇيەسىنىڭ قىزمەتكەرلەرى انىقتاعان قۇقىق بۇزۋشىلىقتار سانى ارتتى, - دەپ حابارلايدى باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى.
دەنساۋلىق ساقتاۋ سالاسى بويىنشا بارلىعى 3,6 ملرد تەڭگە سوماسىنا ايىپپۇل سالۋ تۋرالى 37 مىڭعا جۋىق قاۋلى شىعارىلدى, ونىڭ ىشىندە قۇقىق بۇزۋشىلار 3 ملرد تەڭگە تولەدى.
ولاردىڭ ىشىندە حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى تالاپتاردى بۇزعانى ۇشىن (قر اقبتك 425-بابى) كارانتيندىك ءىس-شارالاردى بۇزۋمەن بايلانىستى قۇقىق بۇزۋشىلىقتار ءۇشىن 2020 جىلى ەلدە 2,2 ملرد تەڭگە سوماسىنا ايىپپۇل سالۋ تۋرالى 27 مىڭ قاۋلى شىعارىلدى, ونىڭ ىشىندە 1,4 ملرد تەڭگە ءوندىرىلىپ الىندى.
وسىنداي ايىپپۇلداردىڭ كوپشىلىگى تۇركىستان وبلىسىندا – 5 014, الماتى قالاسىندا – 4775 جانە شىعىس قازاقستان وبلىسىندا – 1 831 سالىنعان.
ولاردىڭ ەڭ از سانى ماڭعىستاۋ – 204, پاۆلودار – 523 جانە جامبىل – 590 وبلىستارىندا تىركەلگەن.
ماسكالىق رەجيمدى بۇزعانى ءۇشىن 15 613 جەكە تۇلعا اكىمشىلىك جاۋاپكەرشىلىككە تارتىلدى, الماتى قالاسى (4 434), تۇركىستان (4 009) جانە شىعىس قازاقستان (1 126) وبلىستارى كوش باستاپ تۇر.